Курс валют
$
87.78
0.24
95.76
0.28
Курс валют
Курс валют
$
87.78
0.24
95.76
0.28
Меню
Поиск по сайту

Быйыл Өрөспүүбүлүкэҕэ оскуола иннинээҕи үөрэхтээһин 100 сылын бэлиэтиир

27.02.2020 07:31 0
Быйыл  Өрөспүүбүлүкэҕэ оскуола иннинээҕи үөрэхтээһин 100 сылын бэлиэтиир
Олунньу 26 күнүгэр, Өрөспүүбүлүкэҕэ оскуола иннинээҕи үөрэхтээһин 100 сылын бэлиэтиир тэрээһин чэрчитинэн үбүлүөйдээх көһө сылдьар Кубок Сунтаар улууһугар кэллэ.

Историяны санатар эбит буоллахха, биһиги улууспутугар 1921 сылга муус устар маҥнайгы күнүгэр бастакы уһуйаан аһыллыбыт. Кэлин 1940 сыллаахха 42 холкуоска 42 оҕо балаһаакката үһүттэн сэттэтигэр диэри саастаах 747 оҕону хабан үлэлээбитэ. Сэрии сылларыгар 1942 сыллаахха уон түөрт холкуоска 340 оҕону хабан уонна түөрт холкуоска дьааһыланы кытта холбуу 55 оҕону хабан былаһааккалары тэрийэр туһунан дьокутааттар Сунтаардааҕы райсоветы исполкомун дьаһала тахсыбыта.

Билиҥҥи кэмҥэ биһиги улууспутугар 32 оскуола иннинээҕи үөрэхтээһин тэрилтэтэ баар, онтон алтата оҕону сайыннарар киин, ону кытта Сунтаар нэһилиэгэр икки орто оскуолаҕа, Туойдаах нэһилиэгэр оскуола иһинэн, Тэҥкэ, Толоон, Наахара нэһииэктэрин алын сүһүөх оскуолаларыгар уһуйаан бөлөхтөрө, итини таһынан Сунтаар нэһилиэгэр оскуола иннинээҕи саастаах оҕолору көрөр-истэр биэс тустаах тэрилтэ – барыта 2112 оҕону хабан иитэр-үөрэтэр.
Бүгүҥҥү үөрүүлээх тэрээһиҥҥэ Ньурба улууһун делегацията – үөрэҕирии саламтатын начальнига Алевтина Аргунова, үөрэҕирии саламтатын оскуола иннинээҕи үөрэхтээһин салаатын кылаабынай исписсэлииһэ Елена Котоконова Өрөспүүбүлүкэҕэ оскуола иннинээҕи үөрэхтээһин 100 сылын бэлиэтиир үбүлүөйдээх көһө сылдьар Кубогы Сунтаар улууһун Аҕа баһылыгар Анатолий Григорьевка, үөрэҕирии саламтатын начальнигар Альберт Ивановка уонна үөрэҕирии саламтатын оскуола иннинээҕи үөрэхтээһин салаатын кылаабынай исписсэлииһигэр Нина Павловаҕа туттардылар. Кэрэ-бэлиэ түгэҥҥэ саалаҕа мустубут араас сылларга үлэлээбит дьон-аймах  убаастабылын ылбыт иитээччилэри кырачаан оҕолорбут иитээччилэрин кытта үҥкүүннэн-битииннэн, ырыаннан-тойугунан уонна тыыннаах сибэкки дьөрбөтүн утары уунан эҕэрдэ маанытын анаатылар.

***
 “Сунтаар улууһа (оройуона)” муниципальнай оройуон дьаһалтатын пресс-сулууспата

Оставить комментарий    

Шиномонтаж Левша

СахаСтройПлит
Cтоматология 32
«Стоматология Все 32»