«Үлэбит барыта – кэскилбит туһугар» диэн саҥа кинигэ сүрэхтэннэ

Биһиги улууспутугар сэллик ыарыытын эмтиир уонна сэрэтэр оҕо тэрилтэтэ тэриллибитэ 75 үбүлүөйдээх сылынан, ол иһигэр тубсанаторий аһыллыбыта 25 сылыгар анаан «Үлэбит барыта – кэскилбит туһугар» диэн бу эйгэҕэ үлэлээбит үтүө-мааны дьоммутун үйэтитэр, ону сэргэ тэрилтэлэр сэллиги утары охсуһар үлэлэрин сырдатар сыаллаах кинигэ таҕыста.

Улуус  баһылыга Анатолий Григорьев Сунтаар улууһун дьаһалтатын аатыттан үрүҥ халааттаах эмчиттэрбитигэр кэнчээри ыччаппыт бигэ туруктаах буоларын туһугар эҥкилэ суох үлэлээн кэлбиттэринэн махтанан туран, итиитик-истиҥник эҕэрдэлээтэ. Үөрүүлээх тэрээһиҥҥэ Сунтаар нэһилиэгин баһылыга Эдуард Филиппов, оройуон киин балыыһатын кылаабынай бырааһын солбуйааччы Константин Павлов уонна доруобуйа харыстабылын бэтэрээн үлэһиттэрэ кыттыыны ыллылар.

***
«Сунтаар улууһа (оройуона)» муниципальнай оройуон дьаһалтатын пресс- сулууспата