Улуус «Кыһыл көмүс» кинигэтигэр киирбит үтүө-мааны ыала

Сунтаар улууhун үтүө-мааны ыалын, Куокуну нэһилиэгиттэн Ада Егоровна уонна Семен Федорович Генеровтары ыал буолан олорбуттара 50 сылларын туолан, улуус «Кыһыл көмүс» кинигэтигэр киирбиттэринэн Сунтаар улууһун муниципальнай оройуон дьаһалтатын аатыттан баһылыгы социальнай уонна имиджевэй бэлиитикэҕэ солбуйааччы Гаврил Еремеев итии-истиҥ тыллардаах эҕэрдэ бастыҥын анаата.

Олох суолун таба тайанан, таптаһан, ыал буолан 5 оҕону төрөтөн, 10 сиэннэнэн удьуор, ситим сайдыытын төрүттээн, өр кэмҥэ Куокуну нэһилиэгэр сопхуоска, тыа хаһаайыстыбатыгар үрдүк ситиһиилээхтик, үтүө суобастаахтык үлэлээбиттэрэ Саха Сирин үрдүк таһымнаах бочуоттаах наҕараадалара туоһулууллар.

Кинилэргэ өссө да уһун дьоллоох олоҕу баҕарыаҕыҥ!

***

“Сунтаар улууһа (оройуона)” муниципальнай оройуон дьаһалтатын пресс-сулууспата