Курс валют
$
63.72
0.09
70.76
0.03
Курс валют
Курс валют
$
63.72
0.09
70.76
0.03
Меню
Поиск по сайту

НЬУРБА КҮНДЭЭДЭТИН УЧУУТАЛЛАРА ҮӨРЭНЭЭЧЧИЛЭРИНЭЭН ӨРҮҮ БИИРГЭ

08.10.2019 13:33 0
НЬУРБА КҮНДЭЭДЭТИН УЧУУТАЛЛАРА ҮӨРЭНЭЭЧЧИЛЭРИНЭЭН ӨРҮҮ БИИРГЭ

Күндээдэтээҕи «Туску» норуот айымньытын дьиэтигэр Учуутал күнүгэр аналлаах «Учуутал үөрэнээччитиниин өрүү бииргэ» шоу-күрэх бэрт сэргэхтик ыытылынна. Куонкурус кыттыылаахтара бэйэлэрин билиилэрин-көрүүлэрин, талааннарын, дьоҕурдарын киһи эрэ кэрэхсиэн курдук киэҥ эйгэҕэ толору сырдаттылар.


Тэрээһин «Үөрэх кыһата» ырыанан оскуола оҕолорун хорунан аһылынна. Күрэххэ 4 паара кыттыыны ылла: химия эдэр учуутала Ольга Руслановна Саввинова 6 кыл. үөрэнээччитэ Арылхан Петровтуун, математика эдэр учуутала Татьяна Валерьевна Аммосова 9 кыл. үөрэнээччитэ Настя Варламовалыын, оскуола психолога Алена Афанасьевна Нутчина 10 кыл. үөрэнээччитэ Даяна Жирковалыын, оскуола бибилэтиэкэрэ Вера Семеновна Васильева 7 кыл. үөрэнээччитэ Анита Варламовалыын бырааһынньыктааҕы киэһэни киэргэттилэр. Ол курдук алта түһүмэхтэн турар шоу-күрэххэ биһиги учууталларбыт, үөрэнээччилэрбит бэйэлэрин билиилэрин-көрүүлэрин, талааннарын, дьоҕурдарын билиһиннэрдилэр.

  

Бастакы түһүмэххэ видео-визитканы көрүү буолла, бииртэн биир слайда аһыллан истэҕин аайы учуутал уонна үөрэнээччи өрүү бииргэ буолаллара тута харахха быраҕылынна. Онтон «Фантазия» түһүмэххэ бэйэлэрин талааннарын, хоббиларын оһуор дьарҕаа үҥкүүнэн, баайыы сабынан араас сиэдэрэй таҥастары, симэхтэри дьэрэкээннээн кэбиспиттэрин көрөөччүлэр олус сэҥээрдибит, сэргээтибит уонна дохсун ытыс тыаһынан арыаллаатыбыт. «Самый хитрый» логическай ыйытыылардаах түһүмэххэ дьоһуннаах эппиэттэри биэрдилэр. Аны «Импровизация» түһүмэххэ тутатына бэриллибит тиэмэҕэ ис хоһоонугар сөп түбэһэр гына олус үчүгэйдик артыыстаан көрдөрөн көрөөччүнү сэргэхситтилэр. Онтон «Осенняя прогулка» түһүмэххэ хас биирдии паара дохсун ытыс тыаһыгар уйдаран, оччотооҕу кэм муодатын үтүктэн, санатан сэргэ хаамсыбыттара наһаа кэрэ эйгэни үөскэттилэр.
Бүтэһик «Красота спасает мир» дефиле түһүмэххэ бииртэн биир паара кэрэ дьүһүнүгэр барсар бүрүчүөскэлээх, кэрэ таһаатын көрдөрөр былааччыйалаах тахсан тула хааман, бары көрөөччүлэригэр истиҥ мичээрдэрин бэлэхтээтилэр.

Маны барытын кыраҕы хараҕынан, чуор кулгааҕынан сыаналаата эдэр ыччат дьүүллүүр сүбэтэ, ол курдук Ньурбатааҕы Оҕо искусствотын оскуолатын фольклор кылааһын преподавателэ Валерий Платонов, «Туску» норуот айымньытын дьиэтин фольклорга исписэлииһэ Ньургуйаана Никифорова, баһаарынай чаас караул начальнига Алтимир Жирков.
Дьүүллүүр сүбэ быһаарыытынан шоу-күрэх кыайыылаахтарынан буоллулар Татьяна Валерьевна уонна Настя Варламова.

Хас биирдии түһүмэх аайытын ырыа-тойук чугдаарда, хоһоон-ырыа этилиннэ.
Бу бырааһынньыктааҕы киэһэни «Туску» норуот айымньытын дьиэтин эдэр үлэһитэ, норуот фольклорун кэлэктиибин аккомпаниатора Элеонора Семенова салайан ыытта.


Итини таһынан, оскуола оҕолоругар эрдэ учууталга аналлаах ыйытык ыытан, маннык номинациялар туттарылыннылар:
«Самый мудрый» — омук тылын учуутала М.С.Никифорова, «Самая загадочная» — начаалынай сүһүөх учуутала П.В.Иванова, «Самый позитивный» — химия учуутала О.Р.Саввинова, «Самый стильный» — математика учуутала Т.В.Аммосова.

***

Ааптар: Таисия Иванова.

Оставить комментарий    

!