Курс валют
$
65.76
0.07
77.38
0
Курс валют
Курс валют
$
65.76
0.07
77.38
0
Меню
Поиск по сайту

Ньурба куоракка күүстээх Соппуруон кэриэһигэр мас тардыһыытыгар өрөспүүбүлүкэтээҕи турнир саҕаланна

03.03.2018 12:17 0
Ньурба куоракка күүстээх Соппуруон кэриэһигэр мас тардыһыытыгар өрөспүүбүлүкэтээҕи турнир саҕаланна

Кулун тутар 3 күнүгэр Ньурба куоракка «Кыталык» КД-гар Софрон Андреев-Кэрэ Киһи уола Күүстээх Соппуруон кэриэһигэр мас тардыһыытыгар өрөспүүбүлүкэтээҕи турнир саҕаланна. Амматтан, Томпоттон, Сунтаартан, Үөһээ Бүлүүттэн, Бүлүүттэн, Уус Алдантан, Дьокуускайдааҕы Тыа хаһаайыстыбатын академиятыттан, Ньурба улууһуттан 50-тан тахса мадьыны күрэхтэһэллэр. Тэрээһин үөрүүлээх аһыллыытыгар улуус баһылыга А.М.Иннокентьев быйыл улуус 4 улахан күрэхтэһиилэри ыытарын, 70 кг үөһэ ыйааһыҥҥа улуус Сүбэтин дьокутааттарын кытта сүбэлэһиинэн абсолютнай кыайыылаахха «Буран» снегоход супер-бириис туруорулларын эттэ.

Иван Пермяковка 55 сааһын туолбутунан сибээстээн, улуус баһылыгын Бочуотунай грамотатын уонна «Ньурба улууһун социальнай-экэнэмиичэскэй сайдыытыгар кылаатын иһин» бэлиэни, СӨ мас тардыһыытыгар Федерациятын толорооччу дириэктэрэ Алексеҋ Афанасьевка Махтал суругу туттарда. Турнирга ааттаах-суоллаах мадьынылар, аан дойду, Европа, Арассыыйа чөмпүйүөнэ Анатолий Баишев, Үөһээ Бүлүүгэ Манчаары үбүлүөйдээх Спартакиадатын муҥутуур кыайыылааҕа Эрчим Баппаҕай, Томпоттон Сергей Фролкин уо.д.а. күрэхтэһиэхтэрэ. Улууспут чиэһин күүстээх мас тардыһааччылар Гаврил Никифоров, Дьулустаан Андреев, Иннокентий Жирков, Маркел Филиппов уо.д.а. көмүскүүллэр. Дьаархан нэһилиэгин дьаһалтата уонна улуустааҕы спорт управлениета 70 кг диэри ыйааһыҥҥа муҥутуур кыайыылаахха уонна бэтэрээннэргэ абсолютнай чөмпүйүөҥҥэ супер-бириис быһыытынан саа бириистэри туруордулар. Күрэхтэһии икки күн устата ыытыллар.

***

Ньурба улууһун дьаһалтатын пресс-сулууспата

Оставить комментарий    

!