Курс валют
$
92.26
0.33
99.71
0.56
Курс валют
Курс валют
$
92.26
0.33
99.71
0.56
Меню
Поиск по сайту

МЭҤЭ ХАҤАЛАСКА ХОТУН МААЧЧЫЙАҔА СЫННЬАНАР БУОЛЛУЛАР

16.07.2019 07:18 0
МЭҤЭ ХАҤАЛАСКА ХОТУН МААЧЧЫЙАҔА СЫННЬАНАР БУОЛЛУЛАР

Мэҥэ Хаҥалас улууһун сиригэр-уотугар дьон маассабай сынньалаҥар предпринимательство өттүттэн ордук болҕомто ууруллар буолла. Николай Скрябин дириэктэрдээх «Биисинэс-инкубатор» салалтата бу кыһыҥҥыттан сынньалаҥ базаларын тэрийиигэ көхтөөхтүк үлэлэһэр. Бөтүрүөп куйааһыгар түбэһиннэрэн, Хотун Мааччыйаҕа соҕуруу дойдуттан итэҕэһэ суох оҥоһуулаах комплекс арылынна.


Эдэр урбаанньыт Василий Сокольников Дьаҥхаады нэһилиэгэр, Аллараа Бэстээхтэн тахсыыга хоту өттүгэр Хотун Мааччыйа эбэҕэ бэртээхэй сынньанар комплексы от ыйын 12 күнүгэр үөрүүлээх быһыыга-майгыга арыйда. Бу эриэккэс дьэҥкир уулаах, кырылас кумахтаах оҕо-аймах сөтүөлүүрүгэр анаммыт күөлэ, кэрэ айылҕалаах биэрэгэ  куруутун ыраастык тутулларыгар хаһаайын баар буолбута олус үчүгэй.

Урукку өттүгэр кэрэ эбэбит сир, халлаан икки ардыгар ыһылла-тоҕулла сытара көрүөххэ соччото суоҕа. Бөх-сах быыһыгар сынньанары, биллэн турар, ким сөбүлүөй? Билигин сынньана кэлээччилэргэ анаан олбохтор, остуоллар, сытар анал ороннор, күнтэн харыстыыр хаххалар, ыскамыайкалар, сөрүүкэтэр утахтары бэлэмнииргэ аналлаах кыра дьиэлэр, оҕолорго анаан аттракционнар, дьоҕус бырааһынньыктары оҥорорго аналлаах остуоллар о.д.а. тутуулар ыытыллан, күөл кытыла саҥалыы тыыннанна, тас дойду сөтүөлүүр сириттэн туох да итэҕэһэ суох тубуста.

Үөрүүлээх тэрээһиҥҥэ улуус баһылыга Николай Старостин сырытта, эдэр хаһаайыҥҥа ситиһиилээх үлэни-хамнаһы баҕарда, Эҕэрдэ суругун туттарда.

Бу күн «Хотун Мааччыйа» комплекс бастакы ыалдьыттара эдэрдиин-эмэнниин кэлэн, үөрдүлэр-көттүлэр, эстрада сулустара эҕэрдэлээтилэр. Хотун Мааччыйа ‒ нэһилиэнньэ маассабай сынньалаҥын тэрийиигэ Мэҥэ Хаҥаласка бастакы хардыы быһыытынан буолар. Онон Василий Николаевич курдук эрчимнээх ыччаты өйүүр бырагыраамалар, бырайыактар олоххо киирэн иһэллэригэр баҕарабыт.

 

***

Ааптар: Виктория БЕЛОЛЮБСКАЯ

Оставить комментарий    

Шиномонтаж Левша

СахаСтройПлит
Cтоматология 32
«Стоматология Все 32»