Курс валют
$
92.26
0.33
99.71
0.56
Курс валют
Курс валют
$
92.26
0.33
99.71
0.56
Меню
Поиск по сайту

Күөххэ үктэнии алгыһын түһэрии

23.05.2018 10:02 1
Күөххэ үктэнии алгыһын түһэрии

Ыам ыйын 22 күнэ Ньукуолун күнэ. Бу күн саламаат, кус миинэ иһэр, алаадьы сиир, салама ыйыыр алгыстаах күн. Ыам ыйа саха дьонугар санаалыын сааһыланар, киртэн – хохтон ыраастанар, чэбдигирэр кэм, ону таһынан олоҕу түстүүр туом түһүүтэ күүһүрэр. Бу күн Өксөкүлээх Өлөксөй аатынан норуоттар доҕордоһууларын дьиэтигэр хас сылын аайы ыыттыллар үгэскэ кубулуйбут күөххэ үктэнии алгыһын түһэриини алгысчыт Васильев Иван Герасимович — Алгыс Уйбаан түһэрдэ. Кэлбит дьон буруонан арчыланан, кыстык кэннэ кыһыҥҥы тымныыттан босхолонон, көхсүлүүн кэҥээн, ыраастанан, санаалыын сайҕанан, сайыҥҥы күөххэ үктэннилэр.

«Алаас аһа» ас-үөл, эмтээх от быыстапка-дьаарбаҥката. «Кучу» чэйинэн күндүлээһин тэрилиннэ. Санааны кынаттыыр ырыалары бэлэхтээтилэр Анатолий Бурнашев, Саарын, Константин Мохначевскай, Рустам Слепцов, норуот ырыаһыттара, Дьокуускайдааҕы педколледж уонна Культура колледжын устудьуоннара, «Ай сулустар» этно-студия, «Тойук» фольклорнай бөлөх, «Сандал» үҥкүү ансаамбыла уо.д.а.

Саха Саҥа дьылыгар тэҥнээх күҥҥэ, сиргэ – уокка Иэйэхсит чугаһыыр кэмигэр, кини сылаас тыына айылҕаҕа, окко – маска, ууга, салгыҥҥа иҥэр кэмигэр саха киһитигэр өҥү–быйаҥы, уйгуну түстүүр күнүгэр түһүлгэлээх оһуохай олохтонно. Баҕарабыт эһиэхэ, Сахам сирин дьонугар, үүнүүлээх ходуһаны, өлгөм быйаҥнаах күөх сайыны, тахсыылаах үлэни, кэскиллээх кэнчээри ыччаты, кэтит кэскилгит кэҥээтин, уһун уйгугут улааттын!

***

Сыралыма

Обсуждение • 1

Добавить комментарий
  1. Егор

    Күөххэ үктэнии алгыһын айылҕаҕа оҥоруохха баара.
    Тэристээх айылҕаҕа тахсан алгыс оҥорооччулар.

Оставить комментарий    

Шиномонтаж Левша

СахаСтройПлит
Cтоматология 32
«Стоматология Все 32»