Курс валют
$
62.91
0.73
66.11
0.59
Курс валют
Курс валют
$
62.91
0.73
66.11
0.59
Меню
Поиск по сайту

Айталина чып кистэлэҥэ

25.10.2022 08:24 3
Айталина чып кистэлэҥэ

Суруналыыс, суруйааччы Айталина НИКИФОРОВА-ШАДРИНА “Көһөрүллүбүт олох” диэн саҥа кинигэтэ таҕыста.

Киирии тылы социология билимин доктора, профессор Ульяна Алексеевна Винокурова суруйда. Ааҕааччы тус олоҕор буолбут түгэннэри, муунтуйбут санааларыгар ылыннарыылаах сүбэни бу кинигэттэн чопчу таба көрөн, бэйэтин булан уоскуйуо, дьылҕатын кытта эйэлэһиэ”, – диэн бэлиэтиир кини.

-Суруйааччы ааҕааччытын кытта төһө аһаҕас буолуохтааҕый? Кинигэни суруйа олордохпуна бу ыйытыы киирбитэ. Суруйааччы ааҕааччым өйдүө диэн эрэнэр буоллаҕына аһаҕастык суруйар. Бу мин ахсыс кинигэм. Тоҕо эрэ ордук долгутуулаах. Чугас дьүөгэлэрбин кытта кэпсэтэрдии ордук аһаҕастык, хайдах баарынан сурулунна. Соруйан оҥоро сатаан буолбатах. Оннук таҕыста, – диэн ааптар Айталина НИКИФОРОВА-ШАДРИНА кэпсиир. – Бэчээт эйгэтигэр үлэлээбитим отуттан тахса сыл буолла. Олоҕум арахсыспат аргыһа буолбут суруйар-бичийэр үлэбэр сирдээн аҕалбыт киһибинэн тапталлаах ийэм Багдасаева Мария (Валентина) Андреевна буолар.  Кини сэрии сылын оҕото. Олох аһыытын-ньулуунун толору амсайбыт төрөппүттэрбит көлүөнэтэ сэбиэскэй кэмҥэ олорон, уларыта тутуу сиэртибэтэ буолан, аныгы олох сиэрин ылынан эбэтэр ылыммакка, сүрдээх улахан охсууну билбит дьон. Мин кинилэри ис сүрэхпиттэн ытыктаан туран, “Көһөрүллүбүт олох” диэн сэһэммин аныыбын.

Маны тэҥэ аныгы олох очурун-чочурун, сиэрин-майгытын, дьон бэйэ-бэйэҕэ сыһыанын, бэйэ суолун көрдөөһүнүн, дьолго-соргуга тиийиитин… туһунан суруйуулар киирдилэр. Өй уонна сүрэх бүппэт мөккүөрэ, дууһа чып кистэлэҥэ…

Кинигэм тахсыбытыгар махтанабын биир дойдулаахпар, Үөһээ Бүлүү Ороһутуттан төрүттээх “Дани-алмас”, “Офсет” директорыгар Дария Николаевна Скобелеваҕа.  2002 с. “Тыыннаах ситим” диэн маҥнайгы кинигэбин  эмиэ кини таһааран, айар суолбун арыйбыта.

 

***

Дьон-сэргэ иннигэр дууһаны сыгынньахтыыр хорсун быһыы дии саныыбын, киһи эрэ санаммат дьыалата. Айталина кинигэтэ 500 эрэ тираһынан таҕыста, онон сахалыы уус-уран литератураны сэҥээрээччилэр сып-сап ыла охсуҥ диэн сүбэлиибин.

Атыыланар аадырыһа: Дьокуускай куорат, Орджоникидзе аатынан уулусса, 36/1 дьиэтэ, 206 кабинет. LG хампаанньа дьиэтэ.

***

Ольга ВАСИЛЬЕВА,

Aartyk.Ru

Обсуждение • 3

Добавить комментарий
  1. Дьаакып

    Таптал туьунан баар дуу?
    Эр киьи уонна дьахтар оронно мехселлере баар?

  2. Ээ

    80.-с,90 – с сыллар тусунан туох баара буолла, кыыс – дьахтар киси ологуттан, санаатыттан..

  3. Тохсуона

    Айталина биир дойдулааҕын эбит дуу.Саҥа иһиттим биллим .

Оставить комментарий    

Шиномонтаж Левша

СахаСтройПлит
Cтоматология 32
«Стоматология Все 32»