⠀«Саха саарына Кузьма Гаврилов: олоҕо, айар үлэтэ» кинигэ сурэхтэниитин үөрүүлээх тэрээһинэ Д.Ф. Ходулов аатынан норуот тыйаатырыгар ыытылынна

 Улуус баһылыгын бастакы солбуйааччыта Семен Потапов Кузьма Гаврилов аатын үйэтитэр, кини дьоһун олоҕун сырдатар саҥа кинигэ сүрэхтэнэригэр кылааттарын уурбут дьоҥҥо махтал суруктары, Саха АССР төрүттэммитэ 100 сылын кэрэһэлиир сэмэй бэлэхтэри туттарда.

⠀ ⠀

⠀Кузьма Осипович Саха Сирин бастакы интэллигиэннэриттэн биирдэстэрэ. Мэҥэлэр Платон Ойуунускайы, Максим Аммосовы кытары тэҥҥэ тутар, киэн туттар киһилэрэ буоларын быһыытынан, тэрээһиҥҥэ кэлбит ыалдьыттар биир дойдулаахтарын ытыс үрдүгэр илдьэ сылдьыах тустаахтарын, көлүөнэттэн көлүөнэҕэ Кузьма Гаврилов аатын үйэтитэ туруохтарын күүстээх тылларынан биллэрдилэр.

⠀⠀Мэҥэ Хаҥалас улууһугар эрэ буолбакка, бүтүн Республикаҕа суолталаах кинигэ тахсарыгар үп-харчы өттүнэн көмөлөспүт улуус дьаһалтатыгар, чуолаан улуустааҕы депутаттар Сэбиэттэрин Бэрэссэдээтэлигэр Павел Сазоновка муҥура суох махталларын, бу сыанаҕа тыл эппит дьон биллэрдилэр.

***
Мэҥэ-Хаҥалас улуус  дьаһалтатын пресс-сулууспата