Курс валют
$
64.35
0.09
71.05
0.2
Курс валют
Курс валют
$
64.35
0.09
71.05
0.2
Меню
Поиск по сайту

Александр Барчахов: «Үөһээ Бүлүүнү куһаҕан дьайтан ыраастаатым»

23.09.2019 08:23 4
Александр Барчахов: «Үөһээ Бүлүүнү куһаҕан дьайтан ыраастаатым»

Интернет ситимигэр «Александр Габышев батыһааччыта», — диэн ааттаан сахалыы таҥастаах, дөйбүүрдээх киһи суол устун хааман иһэрин устан бырахтылар.

Үөһээ Бүлүү сүрүн уулуссатын устун хааман испит киһи — Александр Барчахов диэн коллегабыт, суруналыыс Муттуххай Бороҥ туоһу буолла. Кимин-тугун бэйэтиттэн сураһыҥ диэн төлөпүөнүн нүөмэрин биэрдэ.

Барчаховы кытары сибээстэстибит.

-Александр Васильевич, дорообо! Үөһээ Бүлүү устун хааман иһэриҥ интернеккэ тарҕанна. Ханна, тоҕо баран испиккин этиэҥ дуу?

— Үтүө киэһээннэн. Мин саҥа сахалыы аатым — Арчыһыт Айыы Уолана Алаас диэн буолабын. Үөһээ Бүлүүгэ түөлбэбэр кэлэн дьон дьиэтин, тэлгэһэтин, дьиэ иһинээҕи дьону ыраастыы, бүөлүү сылдьабын. Куһаҕан дьайтан, мэнээх сылдьар дууһалары булан өбүгэлэригэр ыытан үрдүкү Айыыларга көмө буолабын.

Үөһээ Бүлүүгэ киин суолларын, куһаҕан тыыннаах сирдэрин ыраастаатым, арчылаатым. Ону көрөн дьон видеоҕа уһулан, хаартыскаҕа түһэрэн ити «Иркутскайга баран эрэр» диэн сымыйа сураҕы тарҕаппыттар, — диэтэ.

— Габышев кэнниттэн, билигин, алгысчыттартан саҕалаан эмчиттэргэ, айдарыылаах дьоҥҥо тиийэ күлүү-элэк барыа суоҕа дуо?

— Айдарыылаах дьон күлүү-элэк оҥостоллоругар кыһаллыбаттар. Тоҕо диэтэххэ үрдүкү Айыылартан харысхаллаах буолаллар. Элэк оҥостор, куһаҕаны саныыр дьон олохторугар табыллыбат буолуохтарын сөп, ону бэйэлэрэ да билбэккэ хаалыахтара. Быһа этэр сэттээх. Айдарыылаах дьону мээнэ саҥарбатыннар диэн этиэххэ, сэрэтиэххэ наада.

-Оттон ити «ойуун» Саасканы туох дии саныыгын?

-Мин Саасканы «Ойуун» диир кыаҕым суох. Тоҕо диэтэххэ, киниэхэ биһиги сахабыт Айыыта киирэ сылдьар. Кинини манна саха итэҕэлигэр көмөлөс диэн киирэн өй-санаа биэрэ сатаабыттар. Ону истибэккэ нуучча итэҕэлинэн баран хаалла. Сыыһа суолунан. Итинник саха дьоно күүскэ мунналлар — нууччалыы иитиилээх буолан. Саха сиригэр Аар Айыы тойон көрөн олорорун өйдөөбөттөр. Билигин «айдарыылаахпын» дэнэр эдэр оҕолор элбээтилэр. Сэрэхтээх буолаллара ирдэнэр, мээнэ саҥаран «ойууммун» дэнэллэрэ сэттээх буоларын өйдүөхтээхтэр. «Ойуун» диэн үөһээттэн ананан түһүүтэ — сирдээҕи дьоҥҥо үтүөнү аҕала, эмтии түһэр. Бэйэҕит көрдүгүт куйаар ситиминэн сымыйа сураҕы тарҕатан кими баҕар «ойуун» оҥоруохтарын сөбүн.

***

Aartyk.Ru

 

Обсуждение • 4

Добавить комментарий
  1. 🤔

    Опять один закомплексованный самоутверждается!

  2. Правильно

    Пускай очищает место, где живет и созидает, от этого ничего плохого не будет. Каждый живет по своим способностям. Тем более он не призывает ни к чему, а наоборот очищает говорит от плохого, от злобы .

  3. ХАРЫЙА

    Хата кэлэн бу киин куораты ыраастатын.Барыта криминал картель уоруу албын дьоно дуу атын хара тыыннар дуу.Ону оннугар булларан эбэтэр сатанар буолла5ына бары кыттыьан маннык айыл5аттан аналлаах дьон дойдуну ыраастан чол туьэрэллэрэ буоллар.Сири дьону-норуоту олох да сиртэн симэлитэр санаалах эрэ тойон-хотун баттаан олорор.Дьэ оччо о5олоохпут сиэннээхпит диигит кэлин ханна баран киьи буолалларый кырдьыгы булалларый бу олоххо.Сарсыццыны санаац саатар бэйэ5ит ыыргыт иьигэр.

  4. Минсаха

    Алаас биллэр ыраастаачы, дунурдэнэр, Дьокуускайга олорор, ыраастыы сылдьар эни, Айсен Николаев инагурациятыгар хаартыската сахалыы бысахтаах, осуокайдыы, сылдьара баар этэ. Серьезнай, Хаамаайыны батыа дуо? Ол исин улаханнык биллибэт1

Оставить комментарий    

!