Эстафета уотун Саха сиригэр чөл олоҕу тарҕатааччы, физическэй култуура уонна спорт үтүөлээх үлэһитэ, экстремал сүүрүк Дмитрий Горохов, эстафета чилиэннэринэн Виктор Константинов, Мариянна Васильева, Валентина Доргуева, Виктория Баишева, Василий Уваровскай, Иннокентий Степанов, Екатерина Драгунова, Иннокентий Олесов уонна Владимир Сидоров киирбиттэрэ. Кинилэр түөрт күн устата Мэҥэ-Хаҥалас – Дьокуускай – Горнай маршрутунан 300 км сүүрбүттэрэ. Эстафета айана массыына арыаллаах улуустарынан тохтоон араас тэрээһин оонньуулардаах этэ.
Факел от ыйын 7 күнүгэр Бэрдьигэстээххэ кэлбитэ, “Чыпчаал” стадиоҥҥа оонньууну арыйбыта. “Тоҕус туруйа уол, сэттэ кыталык кыыс” диэн чэпчэки атлетикаҕа этно—эстафета буолбута. Бу эстафета саха норуотун спортивнай үгэстэрин харыстыыр уонна сайыннарар, ыччакка холобур буолар сыаллаах ыытыллыбыта. Хамаандаҕа 17 киһи – 9 эр киһи, 7 дьахтар буолан сүүрбүттэрэ. Бу дьон иһигэр улуус баһылыга эбэтэр солбуйааччыта, оттон тэриллиилэр хамаандаларын салайааччылара эбэтэр солбуйааччылара хайаатар даҕаны кыттыахтаахтар диэн ирдэнэр усулуобуйалаах этилэр. Кинилэри кытта “Манчаары оонньууларыгар”кыттар спортсменнар сүүрбүттэрэ: салайааччылар 50-нуу миэтэрэни, атыттар 200-түү миэтирэни. Холобур. Амма, Үөһээ Бүлүү, Кэбээйи, Мэҥэ Хаҥалас, Сунтаар, Чурапчы, Дьокуускай, Горнай улуустарын,ХИФУ хамаандатын кус быһыйдара илин-кэлин түһүспүттэрэ. Сыралаах киирсии түмүгэрчурапчылар бастаабыттара. Кинилэртэн бэрт кыранан хаалан Горнай хамаандата иккис уонна Дьокуускай куорат хамаандата үһүс буолары ситиспитэ. Кыайыылаах хамаанда тэрийээччилэртэн 500 тыһ., иккис миэстэлээхтэр 300 тыһ., үһүстэр 200 тыһ. солкуобайынан наҕараадаламмыттара.
Хаҥалас улууһуттан Манчаары XXI-с оонньууларыгар Егор Филиппов хапытааннаах спорт 11 көрүҥэр 60 спортсмен кыттан улуус чиэһин көмүскээбитэ. Хамаандабары көрүҥнэргэ кыттыбыта. Биһиги бөлөхпүтүгэр Дьокуускай куорат, Мииринэй, Нерюнгри, Алдан, Ленскэй, Мэҥэ-Хаҥалас, Ньурба, Бүлүү улуустара уонна ХИФУ хамаандалара бааллара. Биһиги хамаандабыт бөлөхтөрүгэр үһүс миэстэ буолбута. Биирдиилээн көрүҥнэрин сырдатыам:
Мас-рестлиҥҥа (уолаттарга) 80 киилэҕэ дылы бастакы – Сеня Борисов (Горнай-I), иккис – Аркадий Сивцев (Хаҥалас), үһүс – Айлан Николаев (Дьокуускай), дьахталларга 60 киилэҕэ дылы туһааннааҕынан – Ирина Алексеева (Горнай-I), Галина Варламова (Таатта), Татьяна Томская (Хаҥалас), 85 киилэттэн үөһэ Татьяна Баишева (Амма), Юлия Михайлова (Ньурба), Олеся Петрова (Хаҥалас), эр дьоҥҥо (бэтэрээннэргэ) 75 киилэҕэ дылы – Анатолий Гладков (Нам), Николай Попов (Мэҥэ-Хаҥалас), Максим Припузов (Хаҥалас), 85 киилэҕэ дылы Ньургун Уваров (Хаҥалас), Игорь Слепцов (Уус-Алдан), Власий Семенов (Бүлүү)тахсыбыттара. Мас-рестлинг федерациятын салайар Игорь Борисов, толорооччу директор Роман Протодьяконов, тириэньэр Владимир Трофимов биир хамаанда сомоҕо буолан үлэлээбиттэрэ.
Хапсаҕайга (уолаттарга) 55 киилэҕэ дылы Родион Васильев (Хаҥалас) бастаабыта, Андриан Жерготов (Чурапчы) иккис, Женя Заворотнай (Таатта), Владислав Иванов (Үөһээ Бүлүү) үһүс буолтара. Эр дьоҥҥо(бэтэрээннэргэ) 60 киилэҕэ дылы туһааннааҕынанмиэстэлэспиттэрэ: Илья Тимофеев (Хаҥалас), Иван Друзьянов (ХИФУ), Михаил Макаров (Өлүөхүмэ), Кирилл Павлов (Амма), 80 киилэҕэ дылы— Александр Контоев (Горнай-II), Михаил Дедюкин (Таатта), Прокопий Петров (Хаҥалас), Семен Ючюгяев (Дьокуускай), эр дьоҥҥо 75 киилэҕэ дылы 1 м – Константин Власов (Мэҥэ-Хаҥалас), Ларион Андреев (Хаҥалас), Рустам Прокопьев (Үөһээ Бүлүү), Иван Семенов (Кэбээйи). Хапсаҕайга Даниил Иванов муҥутуур кыайыылаах буолбута. Атын уолаттарбыт да бэркэ тустубуттара. Хапсаҕай федерациятын салайааччыта Вячеслав Нестеров миэстэтигэр тэҥҥэ сылдьыспыта.
Ат сүүрдүүтүгэр ЧВП, (аһаҕас күрэх) – 1600 м
Манна Ютон Барс сылгы (жокей А. А. Куличкин) Чурапчыттан. 1 мүн 39,92 сөк. көрдөрөн биэтэккэ бастакынан кэлбитэ. Иккис Совьет Серф (жокей А. В. Михайлов) Хаҥаластан, 1 мүн. 41,46 сөк., үһүс Мэҥэ-Хаҥалас сылгыта (жокей Руслан Потапов) 1 мүн.42,09 сөк.
Саха боруода сылгытыгар күрэххэ 4800 м.
Кэскил (жокей А. В. Михайлов) Хаҥаластан, 6 мүн.35,26 сөк. кэлэн бастаабыта, иккис — Бэлэх (А. А. Куличкин)Чурапчытан, 6 мүн. 37,11 сөк., үһүс — Кустук (И. П. Попов)Намтан, 6 мүн. 45,41 сөк. сүүрбүттэрэ. Ат сүүрдүүтүгэр хамаанданан хаҥаластар үһүс миэстэ буолтара, тириэньэрдэрэ Иван Ушницкай.
Чэпчэки атлетикаҕа (сүүрүүгэ):
Дьахталларга (бэтэрээннэргэ) 3000 м. Ирина Осипова-Кондакова (Горнай-I) – 10 мүн. 36,49 сөк.биэтэккэ кэлэн бастаабыта, иккис – Ольга Файзрахманова (Хаҥалас) – 10 мүн. 51,46 сөк., үһүс – Лена Бурнашева (Мэҥэ-Хаҥалас) – 10 мүн. 54,71 сөк.буолтара. Эр дьоҥҥо (бэтэрээннэргэ) 5000 миэтэрэҕэ Вячеслав Громов (Хаҥалас) – 16 мүн. 48,01 сөк.бастаабыта, иккис — Иван Винокуров (Уус-Алдан) – 17 мүн 03,59 сөк., үһүс – Николай Романов (Мэҥэ-Хаҥалас) – 17 мүн. 23,30 сөк. Хамаанданан биһиэннэрэ тохсус миэстэ буолтара. Манна бэтэрээннэрбитигэр Ольга Файзрахмановаҕа уонна Вячеслав Громовка махтал тыллара этиллибиттэрэ. Чэпчэки атлетика федерациятыгар Покровскай куорат баһылыга Петр Гермогенов ылсан үлэлэспитэ.
Сахалыы ыстаныыларга (кылыы, ыстаҥа, куобах.) Кыргыттарга, кылыыга Валерия Олесова (Хаҥалас) – 25 м.36 см. тэҥнээҕин булбатаҕа, кини кэнниттэнНьургуйаана Смирникова (Чурапчы) – 23 м. 28 см., Даша Добрынина (Дьокуускай) – 22 м. 52 см.тахсыбыттара. Ыстаҥаҕатуһааннааҕынан Валерия Олесова (Хаҥалас) – 23 м. 65 см., Ангелина Иванова (Нам) – 22 м. 42 см., Ньургуйаана Смирникова (Чурапчы) – 22 м. 02 см., куобахха Валерия Олесова (Хаҥалас) – 18 м. 38 см., Юна Марова (Мииринэй) – 17 м. 65 см., Сайаана-Куо Комарова (Бүлүү) – 16 м. 96 см.миэстэлэспиттэрэ. Үс көрүҥ түмүгүнэн Валерия Олесова (Хаҥалас) – 66 м. 86 см. уһулуччукөрдөрүүлэринэн бастаабыта, Даша Добрынина (Дьокуускай) – 60 м. 70 см.иккис, Юна Марова (Мииринэй) – 60 м. 11 см. үһүс буолтара. Сахалыы ыстаныыларга Валерия Олесова муҥутуур кыайыылааҕынан буолта. Бу көрүҥҥэ хамаанданан биһиэннэрэ 13 миэстэлэммиттэрэ.
Сахалыы многоборьеҕа: эр дьоҥҥо “Үс төгүл үс” 70 киилэ үөһэ 1 миэстэни Егор Филиппов (Хаҥалас)ылбыта, иккискэ – Николай Матаннанов (Таатта) – 33 м 02 см, үһүскэ – Алексей Протодьяконов (Томпо) – 32 м. 28 см., онтон “Тутум эргииргэ” кыргыттарга туһааннааҕынанМарианна Кейметинова (Кэбээйи) – 56 очукуо, Мичийээнэ Захарова (Ньурба) – 51 очукуо, Нарыйа Степанова (Хаҥалас) – 49 очукуо, хапсаҕайга70 киилэ үөһэ Владимир Федоров (Ньурба), Иннокентий Колесов (Кэбээйи), Егор Филиппов (Хаҥалас), халбас харата (кыргыттарга) Ия Сидорова (Сунтаар), Яна Сотникова (Таатта), Нарыйа Степанова (Хаҥалас), мас-рестлиҥҥа (кыргыттарга) Анна Стрекаловская (Горнай-II), Женя Кондратенко (Нерюнгри), Нарыйа Степанова (Хаҥалас)ситиһиилэммиттэрэ.
Ол курдук олус эрэммит көрүҥнэригэр, буулдьанан ытыыга, уопсай түмүккэ 12-с, оҕунан ытыыга 11-с миэстэ буолбуттара.
“Манчаары оонньууларын” хапсаҕайын муҥутуур кыайыылааҕынан 19 саастаах Даниил Иванов буолта.
Аар Дарханын аатын иһин уон бөҕөс тустубута. Финалга ХИФУ хамаандатын хапсаҕайдьыта Максим Толмачев уонна Хаҥалас улууһун хамаандатыттан Даниил Иванов киирсибиттэрэ. Даниил Ивановка Таатта улууһуттан сэрии кыттыылааҕа Дмитрий Ананьевич Петров төрөөбүтэ 100 сылынан кини сыдьааннара “Охотный двор”маҕаһыын биэстэ эстэр сааны бэлэх ууммуттара.
***
Василий МОЖУКОВ, СӨ спордун бэтэрээнэ, Покровскай к.
Оставить комментарий