Курс валют
$
64.35
0.09
71.05
0.2
Курс валют
Курс валют
$
64.35
0.09
71.05
0.2
Меню
Поиск по сайту

Сунтаар улууһугар Ленинград куораты блокадаттан босхолоспут бэтэрээннэри эҕэрдэлээтилэр

28.01.2019 14:36 0
Сунтаар улууһугар Ленинград куораты блокадаттан босхолоспут бэтэрээннэри эҕэрдэлээтилэр

75 сыл анараа өттүгэр, 1944 сыл тохсунньу 27 күнүгэр Ленинград куорат фашисткай аармыйа 872 күннээх блокадатыттан босхоломмута. Бу күн дойду үрдүнэн Ленинграды босхолоспут буойуннары чиэстиир араас тэрээһиннэр ыытыллаллар.

Сунтаар улууһугар Ленинград куораты блокадаттан босхолоспут икки бэтэрээннэрбит бааллар – Сиэйэҕэ Степанов Прокопий Афанасьевич уонна Тойбохойго Жирков Трофим Николаевич.
Бу күн кинилэргэ Сунтаар улууһун баһылыгын социальнай уонна имиджевэй бэлиитикэҕэ солбуйааччы Гаврил Еремеев, экономическай сайдыыга уонна стратегическай былааннааһыҥҥа солбуйааччы Борис Васильев, улуустааҕы бэтэрээннэр Сэбиэттэрин бэрэссэдээтэлэ Афанасий Васильев, нэһилиэнньэ социальнай харыстабылын управлениетын салайааччыта Георгий Фролов уонна нэһилиэктэрин баһылыктара дьиэлэригэр тиийэн эҕэрдэлээтилэр.

Сэрии бэтэрээннэрэ Прокопий Афанасьевичка, Трофим Николаевичка «В честь 75-летия полного освобождения Ленинграда от фашистской блокады» өйдөбүнньүк мэтээли, Санкт-Петербург губернаторын э.т. А.Д. Беглов, СӨ Ил Дархана А.С. Николаев, Сунтаар улууһун баһылыга А.В. Григорьев эҕэрдэ суруктарын туттардылар.

***
«Сунтаар улууһун» муниципальнай оройуон дьаһалтатын пресс-сулууспата.

Оставить комментарий    

!