Аҕа дойду уоттаах сэриитин бэтэрээнин 95 саастаах Дмитрий Григорьевы кэлэн иһэр Улуу Кыайыы 75 сылынан эҕэрдэлээтилэр

Сунтаар улууһун Аҕа баһылыга Анатолий Григорьев уонна Бырабыытылыстбаттан Сунтаар улууһун кураторынан анаммыт СӨ тас сибээс уонна норуоттар дьыалаларын миниистирэ Гаврил Кириллин Сунтаар нэһилиэгин ытык кырдьаҕаһын, Аҕа дойду уоттаах сэриитин бэтэрээнин 95 саастаах Дмитрий Яковлевич Григорьевы кэлэн  иһэр Улуу Кыайыы 75 сылынан эҕэрдэлээн Дойдубут Президена Владимир Путин уонна СӨ Ил Дархана Айсен Николаев Кыайыы үбүлүөйүнэй мэдээлин туттардылар.

Ытык кырдьаҕаска ыраас халлаан анныгар эйэлээх олоххо олорорбутугар махтал тыллары анаатылар.

***

“Сунтаар улууһа (оройуона)” муниципальнай оройуон дьаһалтатын пресс-сулууспата