ҮБҮ-ХАРЧЫНЫ УУРУНУУ ООННЬУУТА

Сыл 52 нэдиэлэлээх. Нэдиэдэлэри аттаран 52 кэрдиистээх таблица оҥоробут. Таблицабыт утары нэдиэлэ аайы 100 саҕалаан 5200 солкуобайга диэри 100-түү солкуобайынан үрдээн иһэр сууманы суруйабыт. Бастакы нэдиэлэ – 100 солкуобай, иккис нэдиэлэ – 200, үһүскэ – 300, сыл бүтэһик нэдиэлэтигэр – 5200 тахсар. Нэдиэлэ аайы бу сууманы харчы мунньар холбукаҕа угабыт, испииһэктэн сотобут. Өскөтүн, 37-с нэдиэлэҕэ 3700 солкуобайы кыайан укпат түгэҥҥэр, бэһис нэдиэлэ сууматын – 500 солкуобайы – ууруоххун сөп. Атыстаһыннаран угуу көҥүллэнэр. Ол эрэн биир сууманы төхтөрүйэн уурар бобуллар. Маннык сыл устата нэдиэлэ аайы оонньуу быраабылатын кэспэккэ үчүгэйдик оонньоотохпутуна, сыл түмүгэр 137800 (!) солкуобай уурунуу харчылаах тахсабыт.