Күн бүгүн эбийиэктэргэ уотун, ититиитин биэрэн тураллар. Үлэ биир да күн тохтообот. Билигин вокзал ис үлэтин, сөмөлүөт түһэр полосатын оҥоро сылдьаллар.
Саҥа аэропортка үлэһит дьон бириэмэтин сөптөөхтүк туһанарыгар анаан мунньахтыыр саала баар буолуоҕа. Ону таһынан, көтөөччүлэргэ, көрсөөччүлэргэ, оҕолорго эбийиэк иккис этээһигэр сөптөөх усулуобуйа олохтонуоҕа.
Грузовой терминалга тымныыны харайар анал, улахан холодильниктар тураллар. Саҥа аэропорт күҥҥэ биир чааска 300 пассажиры бэрийиэҕэ. Ону таһынан, дьон сөмөлүөккэ вокзалтан телетрап көмөтүнэн тута киирэр буолуохтара. Мииринэй аэропордун салайааччытын солбуйааччыта Сергей Дёгтев суруналыыстарга кэпсээбитинэн: «Мииринэй куоратыгар үйэлээх тутууну ыыта сылдьабыт. Бу тутуу биһиги оҕолорбутугар, сиэннэрбитигэр хааларын курдук хаачыстыбалаахтык, бары ирдэбилгэ эппиэттиирин курдук ыытабыт. Аэропорт тиэхиньикэтэ барыта кэлэн турар. Таҥыллара эрэ хаалла. Онон сотору кэминэн чугас сытар улуустар, Мииринэй куорат олохтоохторо аныгы тутуулаах аэропортан Арассыыйа киин куораттарыгар көтөр буолуохтара».
Саҥа аэропортка диэри Чернышевскайдыыр суол кэрчигэр саҥа аспаал суол кутуллан бэлэм турар.
***
Мира АФАНАСЬЕВА
Оставить комментарий