Улуустарынан ардах уонна тыал
- Ленскэй, Өлүөхүмэ, Алдан, Нерюнгри улуустарыгар күүстээх ардах, сорох сирдэринэн этиҥнээх ардах түһүөҕэ.
- Соҕуруулуу-арҕаа, соҕуруу, киин уонна хотугулуу-илиҥҥи улуустарга кыралаан, сорох сиринэн орто күүстээх ардахтыыра күүтүллэр.
- Тыала орто күүстээх, сорох сиринэн сөкүүндэҕэ 9-14 м. тиийиэҕэ. Оттон этиҥнээх ардах кэмигэр уонна Арктика кытылыгар тыал күүһэ 15-20 м/с диэри күүһүрүөн сөп.
Салгын температурата
- Күнүһүн киин улуустарга +24+29°, соҕуруулуу-илиҥҥи өттүгэр +32° диэри куйаарыаҕа. Арҕаа уонна хотугулуу-илиҥҥи улуустарга +20+25°, соҕуруулуу-арҕаа уонна Халымаҕа +12+17° кыраадыс сылаас буолуоҕа.
- Түүнүн үксүн +15+20° кыраадыс сылаас, соҕуруулуу-арҕаа, хотугулуу-арҕаа уонна Халымаҕа +7+12° кыраадыс буолуоҕа. Оттон Халыма уонна Индигиир улуустарын кытылларыгар сорох сиринэн +0+5° кыраадыс эрэ сылаас буолара күүтүллэр.
Дьокуускай куоракка
- Түүнүн +16+18° кыраадыс сылаас. Түүн саҥатыгар быстах ардахтыыр.
- Күнүһүн +26+28° кыраадыс куйаас. Күн бүтүүтэ быстах уонна этиҥнээх ардах түһэрэ күүтүллэр.
- Хотугулуу-илинтэн сөкүүндэҕэ 5-10 м. түргэннээх тыалырыаҕа, этиҥ кэмигэр тыал күүһэ сөкүүндэҕэ 15-20 м. тиийиэн сөп.
***
Ааптар: Василий Прокопьев
Сайаана Львова хаартыската
Оставить комментарий