«Оҕону оскуолаҕа бэлэмнээ» аһымал аахсыйаҕа саҕаланна

СӨ Үлэҕэ уонна социальнай сайдыыга министиэристибэтэ «Оҕону оскуолаҕа бэлэмнээ» аһымал аахсыйаны үлэлэтэр.

Аахсыйа атырдьах ыйын 30 күнүгэр диэри ыытыллар.

Аахсыйа иитинэн «Бубль Гум» маҕаһыыннарга оскуола тээбириннэрин хомуйар пууннары бэлэмнээбиттэр.

«Оҕону оскуолаҕа бэлэмнээ» аахсыйаҕа урбаанньыттар, биэдэмэстибэлэр, тэрилтэлэр салайааччылара, уопсастыбанньыктар, биирдиилээн дьон кытталлар.

«Бубль Гум» маҕаһыынтан учебниктары, тэтэрээттэри, уруучукалары, харандаастары, уруһуй альбомнарын, оскуола форматын уонна да атын наадалаах малы-салы атыылаһан оҕолорго бэлэх уунуохха сөп.

Атырдьах ыйын 11 күнүгэр аахсыйаҕа СӨ Үлэҕэ уонна социальнай сайдыыга миниистирэ Елена Волкова кытынна.

«Оҕону оскуолаҕа бэлэмниибит аахсыйа балаҕан ыйын 1 күнүн саҕана үүнэр көлүөнэҕэ биһиги эрэли уонна үөрүүнү бэлэхтиир хас биирдиибит үтүө үгэһэ», – диэн миниистир бэлиэтээтэ.

Оҕолорго оскуола тээбириннэрин хомуйар пууннар аадырыстара:

— Дьокуускай к., Кальвиц уул. 14/5 дь., «УлуруМолл» ТК 2 этээһэ, «Бубль Гум» маҕаһыын.

— Дьокуускай к., Дзержинскай уул. 71 дь., 2 этээс, «Бубль Гум» маҕаһыын.

***
nvk_sakha