Күнү-дьылы кэтээн көрөөччүлэр билгэлэринэн, бүгүн өрөспүүбүлүкэ арҕаа өттүгэр халлаан сөҥүүтэ суох туруоҕа. Оттон киин, соҕуруу, хотугулуу-илиҥҥи уонна Өлүөнэ уҥуоргу улуустарга, ону тэҥэ Усуйаанаҕа уонна Халыма-Индигиир бөлөх улуустарын хотугу өттүгэр быстах, сорох сиринэн орто күүстээх самыыр түһэрэ күүтүллэр. Оттон хотугу улуустарга инчэҕэй хаар түһүөн сөп.
Тыал үксүн орто күүстээх буолуо, ол эрээри сорох сиринэн сөкүүндэҕэ 9-14 миэтирэҕэ тиийэ күүһүрүө. Оттон Арктика кытылыгар олорор дьоҥҥо сэрэхтээх буоларга сүбэлииллэр — онно тыал сөкүүндэҕэ 17-22 миэтирэҕэ тиийэ күүһүрэр.
Дьокуускай куоракка бүгүн хотугулуу-арҕааттан сөкүүндэҕэ 4-9 миэтэрэ диэри күүстээх тыал үрүө. Түүнүн +5…+7° сылаас буолбут буоллаҕына, күнүһүн +11…+13° кыраадыс сылаас буолара сабаҕаланар. Күнүһүн быстах ардах түһэрэ күүтүллэр.
Оставить комментарий