Новак санаппытынан, гражданскай инфраструктураҕа, ол иһигэр уматык-энергетика комплексын эбийиэктэригэр салҕанан барар террактар — саба түһүүлэр түмүктэригэр, хас даҕаны ньиэби таҥастыыр собуот эмсэҕэлээбитэ. Мантан сылтаан бэнсиин уонна дизель уматыгын оҥорон таһаарыы быстах кэмҥэ кыччаабыта.
Ис ырыынакка балаһыанньаны тупсарар туһуттан бырабыыталыстыба маннык дьаһаллары ылынна:
- Үлэлии турар собуоттар күүстэрин муҥутуурдук улаатыннардылар;
- Урут мунньуллубут уматык саппааһын ырыынакка таһаардылар;
- Билиҥҥи өрөмүөннэр болдьохторун кылгаттылар;
- Былааннаах өрөмүөннэр хойутуур буоллулар.
Александр Новак урут бэлиэтээбитинэн, быйыл сайын логистика уларыйбытынан уматыгы тиэрдиигэ моһуоктар тахсаллар. Балаһыанньаны тупсарар туһуттан бырабыыталыстыба бэнсиини уонна дизели тас дойдуларга таһаарыыны боппута, ону тэҥэ Арассыыйа иһигэр оҥорон таһаарыыны күүһүрдэргэ уонна уматыгы тастан киллэриигэ нолуок чэпчэтиилэрин киллэрбитэ. Маны таһынан, Росавиация Арассыыйа аэропуортара наадалаах уматык кээмэйинэн толору хааччыллыбыттарын туһунан РИА Новости ааҕыныстыбаҕа иһитиннэрбитэ.
Ол курдук, үлэлии турар собуоттар ноҕоруускаларын улаатыннарыахтара. Ырыынакка эрдэ хаһааныллыбыт уматык-оҕунуох матырыйаалларын сөптөөх кээмэйэ тахсыаҕа. Ньиэбинэн хааччыйар тэрилтэлэргэ былааннаммыт өрөмүөн үлэтин хойукку бириэмэҕэ көһөрөн ыытарга сүбэлэннэ. Бэнсиини уонна авиакыраһыыны таска таһаарыы бобулунна. Ньиэби таҥастыыр орто уонна дьоҕус собуоттар кыамталарын туһаныахтара.
Оставить комментарий