Спортсменнары уонна кинилэр тириэньэрдэрин Саха Өрөспүүбүлүкэтин физическэй култуураҕа уонна успуорка миниистирэ Леонид Спиридонов эҕэрдэлээтэ.
«Саха Өрөспүүбүлүкэтин физическэй култуураҕа уонна успуорка министиэристибэтин уонна бүттүүн спортивнай уопсастыба аатыттан биһиги спортсменнарбытын уонна кинилэр тириэньэрдэрин Арассыыйа чөмпүйэнээтин боруонса наҕараадатын ылбыттарынан эҕэрдэлиибин. Эһиги идэҕитигэр бэриниилээххитин, тулуурдааххытын уонна кытаанах санаалааххытын көрдөрдүгүт. Маладьыастар!», — диэтэ Леонид Николаевич.
«Быһаарыылаах сыалы ытыы кэмигэр саамай сүрүнэ – холку уонна улахан күүрүүтэ суох буолуу. Оҕунан ытыы бэйэтэ олус ыарахан уонна эмоциональнай өттүнэн ноҕуруускалаах успуорт көрүҥэ, онон манна кыратык көр-күлүү хаһан баҕарар наада. Бит-билгэ туһунан этэр буоллахха, күрэхтэһии күнүгэр сарсыарда төрөппүттэрбит биһиэхэ алаадьы астаабыттара. Оттон бу мэтээли биһиги таптыыр өрөспүүбүлүкэбитигэр аныыбыт», — диэн үллэһиннилэр Дайаана Винокурова уонна Павел Мартынов.
Дайаана Винокурова – Кэбээйи улууһуттан төрүттээх, онтон Павел Мартынов – Хаҥалас оҕунан ытыыга оскуолатын иитиллээччитэ. «Булкаас микс» дисциплинаҕа спортсменнар 2019 сылтан бииргэ кытталлар, дойду таһымнаах күрэхтэһиилэргэ Сахаларын сирин чиэстээхтик көмүскүүллэр.
***
Ааптар: Сайаана Львова
Хаартыска СӨ Физическэй култуураҕа уонна успуорка министиэристибэттэн
Оставить комментарий