Владимир ПОСКАЧИН: «Бу – албын былаас!»
Бүгүн Ил Түмэн мунньаҕар Владимир ПОСКАЧИНЫ уонна Александр ИВАНОВЫ* депутаттарыттан уһуллулар.
Иванов* мунньахха көстүбэт, арай социальнай ситимҥэ: «Мы еще вернемся!» диэн видео устубут. Кинини көмүскээн ким да тыл эппэтэ, сып-сап куоластаан баран мандатын тохтоттулар.
Оттон Владимир Поскачин мунньахха бэйэтэ баар, тыл эттэ, хайдах баарынан көмүскэнэ сатаата:
-Билэ-билэ билбэтэҕэ буолумаҥ, көрө-көрө көрбөтөҕө буолумаҥ. Бары билэҕит тарбахтан эмэн оҥоһуллубут дьыала. Көҥүлэ суох дьиэбэр кэлэн, дьэҥдьийэн, эргэ ыппат ботуруоннары булан, онно дьыала тэрийэн сууттаатылар. Алта пуунтан биир да буруй бигэргэтиллибэтэҕин үрдүнэн, судьуйа буруйдаах диэн бириигэбэр таһаарда. «Карабина иитиилээх турар, иитиллибит саалаах сылдьыбыт», – диэн. Хайдах иитиилээх буолуой, туспа турар маҕаһыына.
Мин салгыы Кассационнай суукка Владивостокка тиийиэм, онно кыайабын. Чуоккай. Бу момены туһана сатаан, хайдах дуу, устан кэбиһэн баран дуоһуйа олороору гынаҕыт дуо? Табыллыбат. Миигин икки оройуон талбыта – Үөһээ Бүлүү уонна Горнай улуустара. Дьиҥнээх, ыраас куоластааһынан, испииһэк эҥин буолбатах, кыайбытым. Икки улуус быыбардааччыларын эһиги эмиэ убаастыахтааххыт. Аат-суол диэн баар. Эһиги ааккыт-суолгут барыа, миэнэ буолбатах. Мин аатым-суолум өссө аатырыа. Ким хайдах куоластаабыта син биир биллиэҕэ. Ким миигин абааһы көрөн дуу, куттанан дуу устубутун билиэхпит. Дьон барыта билиэҕэ.
Политикаҕа киирсии – киирсии буолбатах. Харчы уоралларын бары билэҕит буолбат дуо? Счетнай палата отчуотун бары аахпыккыт дии. Миллиардынан суума. Мин айахпын бүөлүү сатаан депутаппыттан устаары гынаҕыт дуо? Табыллыбат! Куттанар буоллаххытына утары куоластаамаҥ, саатар «туттуннум» диэн куоластааҥ.
Олох куттанымаҥ! Киирэн биэримэҥ. Республика аата-суола диэн баар. Айсен Николаев олорбута аахсыллыбат, норуот баар ээ, дьоммут бааллар дии… Республика албан аата диэн баар. Ону өйдөөҥ. Икки сылынан быыбар буолуо, онно тиийэн ханнык сирэйгитинэн дьоҥҥутун куоластатаары гынаҕыт?
Алексей Ильичтээх [Еремеев] миигин абааһы көрөн куоластаппатах буолуохтаах, кинилэри күһэйэллэр. Хамнастаах дьону куттууллара буолуо. Эһиги куттанымаҥ, харчы биэриэхпит эҥин дииллэрэ буолуо. Сымыйалара – харчы суох билигин. Баҕарбыттарын да иһин биэрэр кыахтара суох. Бу былаас барыта албын.
Баар-суох легитимнэй депутаккытын суох оҥордоххутуна, бэйэҕит киирэн биэриэххит. Мин буруйуом суох, туох да буруйум суох! Мин буруйум – биир киһи миигин абааһы көрөрө. Кырдьыгы этэрим иһин.
Парламент – Ил Түмэн диэн кырдьыгы этэр аналлаах уорган буолбатах дуо? Миэхэ Кассационнай суукка диэри бириэмэтэ биэриҥ. Хоттордохпуна туох да айдаана суох бэйэм барыам.
Владимир Поскачины көмүскээн икки депутат тыл эттэ.
Федот Филиппов (СРЗП):
– Бу тахсар иирсээн дьон олоҕор дьайар, дьиҥинэн кыраттан сылтаан иирсээн. Икки өттүттэн этиспэккэ туттунуохха наада, харыстаһыахха наада.
Эдгар Константинов (КПРФ):
– Владимир Поскачины дьиҥнээхтик норуот талбыт киһитэ, туох да административнай ресурсаны туттубакка, кими да үлэҕиттэн ууратыам диэн куттаабакка бэйэтэ депутатынан талыллыбыт киһи. Икки улуус быыбардааччыларын бэрэстэбиитэлэ, парламеҥҥа соҕотох партията суох тутулуга суох депутат. Бу дьыала – политизированнай.
Мин тус бэйэм уонна партиям санаата: суут тиһэх түһүмэҕэр диэри кэтэһиэххэйиҥ, дьэ ол кэнниттэн кыайтардаҕына бэйэтэ да барыа буоллаҕа, ити эппитин курдук.
Мин билигин куоластыыр да буоллахха: «туттунуохха» диибин эбэтэр олох да куоластаамаҥ диэн ыҥырабын.
***
Инньэ гынан, 60 депутат мунньахха баарыттан 38 киһи Владимир Поскачины мандатын быһарга диэн куоластаата. Ону утардылар – 7, туттуннулар – 6, олох да куоластаабатах – 9 депутат.
Ол аата Поскачин туһугар уопсайа 22 депутат буолан тахсар, бэйэтин кытары. 10 депутат мунньахха кэлбэтэх. Онтон төһөтө кими өйүүрэ биллибэт. Арааһа сорох-сорохторо санааларын аһаҕастык көрдөрүмээри кэлбэтэх буолуохтаахтар. Онон, Владимир Семенович хамсааһыны таһаарбыт.
Билигин кини наһаа нөҥүө барбакка, өйдөөхтүк-төйдөөхтүк киирсиэн наада. УоТ Сомоҕо салайааччытын быһыытынан саҥарар трибуналаах.
***
Туйаара НУТЧИНА,
Aartyk.Ru
А.И.Иванов* признан Минюстом РФ иностранным агентом.
Ньырбачааҥҥа атахтарын соттон кэбистилэр уонна ааһа турдулар кинини ким да көмүскээбэтэ, оннооҕор протожета баскачыын. Онтон үөһээ бүлүүһэттэн сорохтор куттанан ньылаҥнаатылар, сорохтор сүр баттаттылар да… кыаха нету.
Манчаарылар самыйа былааска киирэн биэримэц.Бу политика буолбатах. Акаары базарнай дьахтар курдук быhыы. Инньэ диэтэ манньа диэтэ диэн.Истерика курдук. Мин былааhым мин муцур тойоммун диэн. Урут кулуба дьадацы киhини баттыырын сэниирин ата5астыырын курдук буолла.Оhургэнэр собулээбэт буоллаххытына “Киhилии ” улэлээц.Аhа5астык уорбакка сиэбэккэ.Киhи барыта билэр. Хайдах дьон былааска олорорун.Туох xара санаала5ын. Арахсан остоhон бутуц. Куот ыт кулуутугэр барымац.
Эдгар Константинов хаhан НЛ( Новые люди) буола о5уста. КПРФ этэ дии. Ил Тумэн иhигэр олорон партияларын уларытар ыарахан буолуо ээ. Ал5ас суруллубут дуу, тугу эрэ буккуйдум дуу.
Глупость города берет… У этих депутатов политическое зрение оказалось близоруким. А ведь произошло политическое землетрясение на древней земле Олонхо за последние 20 лет. В статье правильно подсчитано: “Поскачин туһугар уопсайа 22 депутат буолан тахсар, бэйэтин кытары. 10 депутат мунньахха кэлбэтэх”. Если не доказано обратное – то можно и так подсчитать. Тогда получается, что 38 депутатов проголосовали за исключение, а 32 депутата – воздержались, или проголосовали против. Никогда доселе такого открытого (и почти равного!) политического противостояния в стенах якутского парламента не было. Неужели еще будут отрицать, что политического кризиса в нашей республике еще нет? Депутаты Ил Тумен собственноручно навесили нимбы “народных героев” двум депутатам, один из которых уже сейчас объявлен иноагентом. Теперь оппозиция в регионе имеет свою идеологию и своих лидеров. Следующая остановка – 20 сентября нынешнего года: там будет ясно, какой резонанс эти решения получили в народе. Эти для народа ничего не значащие выборы будут служить исходным условием к подготовке будущих выборов в заксобрание региона и будут подтверждать, или опровергать складывающуюся в настоящее время тенденции к выборам 2028г. Крепче пристегнитесь – повороты могут быть круче, чем многие ждут.
Поскачин и Ко бюджет харчытын бэйэтэ уорбут этэ буотта дойдутугар, онтун саптынан атаҕастаммыт кини аатырда
Дь, ол иhин тугу Булан ыла5ыт туораттан. Бары биир байыылаах дьон. Норуоту сиир тэпсэр эрэ.Сууттаммыт хаайыга олорбут ааhыммыт дьон. Уорэх интеллект ой сана культура суох. Урукку Верховный совет Райком райсовет салайааччыларын санаац. Оттон бу дьон дьаабылар. Саатар сугун улэлээбэттэр. Бэлэмцэ олорон. Босхо квартира. Маш. спецпаёк. Льгота проезд. Санаторий.Тотон олон этиhэн эрэ тахсаллар.
Оннук. Норуоттан ыраах дьон. Улахамсыктара диэн.