Курс валют
$
76.44
0.02
90.45
0.03
Курс валют
Курс валют
$
76.44
0.02
90.45
0.03
Меню
Поиск по сайту

Cунтаарга оперативнай штаб чилиэттэрэ «Коронавирус» инфекциятын туһунан сүбэ мунньах ыыттылар

18.03.2020 13:33 0
Cунтаарга оперативнай штаб чилиэттэрэ «Коронавирус» инфекциятын туһунан сүбэ мунньах ыыттылар
Кулун тутар 18 күнүгэр, оперативнай штаб чилиэттэрэ «Коронавирус» инфекциятын туһунан сүбэ мунньах ыыттылар.

СӨ Ил Дарханын кулун тутар 17 күннээх 1055 №-дээх ыйааҕыгар «О введении режима повышенной готовности на территории Республики Саха (Якутия) и мерах по противодействию распространению новой коронавирусной инфекции (COVID-19)» олоҕуран улуус Аҕа баһылыгын кулун тутар 17 күннээх Б-125 №-дээх бирикээһинэн «О введении режима повышенной готовности на территории МР “Сунтарский улус (район)” и мерах по противодействию распространению новой коронавирусной инфекции (COVID-19)» улуус иһинэн бары үөрэх кыһаларыгар уонна эбии үөрэхтээһин тэрилтэлэригэр кулун тутар 18 күнүттэн 27 диэри каникул, салгыытын дистанционнай үөрэтээһиҥҥэ көһөрүү биллэрилиннэ. Улуус таһыттан барыы-кэлии мэктиэлэммэтин уонна маассабай тэрээһиннэр тохтууллара быһаарылынна.

Улуустааҕы оперативнай штаб чилиэттэрэ «Коронавирус» инфекциятын утары сэрэтии уонна бэлэмнэнии үлэтин ыыталлар. Дьокуускай куоракка орто үөрэх кыһаларыгар үөрэх хаамыыта тохтоон устудьуоннары уопсайтан таһаарыыга бирикээс тахсыбытыгар МУП АТП тэрилтэ нөҥүө чэпчэтиилээх сыананнан биһиги улуустан сылдьар устудьуоннары дойдуларыгар аҕалыыга дьаһал бэрилиннэ, онтон үрдүк үөрэх кыһаларыгар туһааннаах дьаһал таҕыстаҕына устудьуоннары аҕаларга бэлэмнэрин иһитиннэрдилэр.

Биллэриллибит бирикээскэ каникул кэмигэр оскуола оҕолоро уопсастыбаннай миэстэлэргэ сылдьыыларыгар төрөппүт өттүттэн күүстээх хонтуруол баар буолуохтааҕын бэлиэтээтилэр.

Нэһилиэнньэни эминэн хааччыйааһын боппуруоһун көтөхтүлэр, онно сытыытык турар мааска боппуруоһун таарыйдылар. Аптекалар салайааччылара бүтүн Арассыыйа үрдүнэн мааскалар суохтарын ыйдылар, ыарыыттан харыстанарга матырыйаал ылан бэйэ оҥосторго сүбэлээтилэр.

Куйаар нөҥүө, ол эбэтэр ватсап уонна инстаграм ситиминэн тарҕатыллар сурахтар сорохторо кырдьыга уонна толору ситэтэ суохтарынан сибээстээн дьиҥ чахчы туоһуламмыт информацияны Роспотребнадзор саайтыттан билсэргитин ыҥырдылар.

***
«Сунтаар улууһа (оройуона)» муниципальнай оройуон дьаһалтатын пресс-сулууспата

Оставить комментарий