Курс валют
$
75.19
0.27
88.63
Курс валют
Курс валют
$
75.19
0.27
88.63
Меню
Поиск по сайту

Син элбэх хаар уулунна

27.06.2020 18:26 2
Син элбэх хаар уулунна

Син элбэх хаар уулунна
Санныбар,
Син элбэх самыыр ибиирдэ
Сирэйбэр…
Санаам хоту
Сарсыҥҥы күммэр
эрэллээх
Сэгэтэн көрөбүн
ааспыты.
Саһаран эрэр
хаартыскалары
Сааһылыыбын
сэрэнэн,
Сүтэн эрэр
сарыалларбын
Саҕахтартан
ситэммин
Сылааһынан угуттуур
Сардаҥаларын
Сыымайдыам.
Халаан уутунуу
Халыйан
Хаттаан эргийэр
олоҕум.
Хаҥыл атым
Хаһыҥыраан
Хара буору
табыйарыныы
Хаһан? Ханна?
Хайдах этэй?
Хоруй көрдүүр
ыйытыктар
Мин төбөбүн
Тобуйаллар.
Орто дойду мэник
бэлэҕэ
Ойор-тэбэр
Оҕо саас
Омуннаахтык
Ойуолаан
Орох тэппит
ыллыга
Олбуор кэннигэр
остоҕо.
Ол онтон
Олорор олохпут
Олус кылгас
Остуоруйата,
Оҕо үөрэр күлүүтэ
Ой дуорааҥҥа
кубулуйдаҕа.
Элэк гыммыттыы
Эдэр саас
Имиллэҥнээн,
Эриллэҥнээн
Элэ кэлбит
Эйэ курдук
Эргиппитэ,
Эрийбитэ
Эрэннэрбитэ
Элбэҕи.
Ол эрэн
Уһаабатаҕа-
Үрдүбүттэн
Үөһэттэн
Элиэ буолан
Элиэтээн,
Эмэх буолан
Эйэргээн
Эппэр-хааммар хатанан
Эмсэхтэнэн-этирэн
Кырдьыы обургу
Орто саастаах
дьахталлар
Халыыптарыгар киллэрэн
Эдэр сааспын
күрэппитэ,
Аһыннаҕа аатыран,
Имэрийдэҕэ буолан
Уһун хара суһуохпар
Үрүҥ сүүмэхтэри
Саламалыы иилбитэ.
Син элбэх хаар уулунна
Санныбар,
Син элбэх самыыр ибиирдэ
Сирэйбэр.
Мин эмиэ
Киирбэт күннээх
Сайыннардааҕым,
Хахсаат тыаллаах
Күһүннэрдээҕим.
Кэм-кэрдии ааһыа
Син элбэхтэ мускуйуо
Миигин тыал,
Син элбэхтэ көрсүөм
Мин күнү.
Кырыа хаардаах да
Кыһыннарданыам,
Сырдык сандал да
Саастарданыам.
Ол барыта
Иннибэр.
Сааһырдарбын даҕаны
Киирэр-тахсар
Сарыалынан
Саатыырым тухары,
Сиккиэр тыал
Сөрүүн хоонньун
билэрим тухары-
Мин тыыннаахпын.
Мин баарбын.

2020 с.

***

Айыахпын баҕарабын
Айыллыбатаҕы,
Суруйуохпун баҕарабын
Суруллубатаҕы,
Баҕарабын, ааҕааччым, ол хоһоону
Сылаас дьиэҕэр ааҕа
Олордоххуна
Алаас саҕатыгар кытарчы буспут
Дьэдьэн сыта төбөҕүн
Туймаардыан,
Сибэкки мүөтүн хомуйар ыҥырыа тойуга
Кулгааххар эмискэ иһиллиэн,
Сып-сылаас тыал иэдэскин
Сыллыаҕын,
Баттаххын
Ыһыаҕын,
Ааҕа олорон, ааһан иһэр сылаас ардахха баттатан
Курдаттыы инчэйиэххин.
Мин хоһооммор —
Көрүөххүн, сыттыаххын, тыытыаххын!
Көрдөрүөхпүн баҕарабын
Көрүллүбэтэҕи,
Арыйыахпын баҕарабын
Арыллыбатаҕы
Ол эрэн, ол миэхэ сатаммат.
Сатаммат: чысхаан иэдэскин кымаахтыан,
Ааҕа олорон кыламаныҥ
Кырыарыан, уонна,
Хаар намылыйан түһэн
Хоһооммун бүрүйбүтүн
Ытыскынан ыраастыаххын.
Көрдөрөр, сыттатар,
тыыттарар
Кыах суох…
Кыах суох ол эрэн
Бага баһаам!
Баҕар сотору илдьэ
Барыам
Ол онно-кытарчы буспут
Дьэдьэҥҥэ,
Сибэккилээх хонууга,
Кыһыҥҥы кустукка-
Дьүкээбилгэ,
Баҕар сотору илдьэ барыам…

1992 с.

***

Кыл Суһума.

 

Обсуждение • 2

Добавить комментарий
  1. Саас

    Наһаа истиҥ олох туһунан хоһооннор.Махтал.Олох охсуһуу.Ол эрэн инниҥ диэкки баран Ис.Айбыт таҥара бэйэтэ билэрэ буолуо.

  2. Быралы

    Олорон буттэ5ин,
    Ытаан да ыллаан да5аны
    Тенуннэрбэккин теннубэти
    Тердуттэн туннэстибити
    Ыччаттамматах буоллаххына
    Суттэ5ин симэлийдэ5ин
    Сиик буолан кетте5ун

Оставить комментарий    

Россельхозбанк
Россельхозбанк
АЯМ