Булчут сиэрэ-туома. УУ ИЧЧИТИН АЛГЫhA

Саас, күһүн балыксыттар уу иччитин алгыыллар, аhаталлар.

Дьэбэрэ тэллэх,
Бырыы сыттык,
Көппөх суорҕан,
Туона баай,
Күөх далай иччитэ
Күөх Боллох оҕонньор
Тойон эһээм,
Тоҕус уон тоҕус
Чороох туубар
Лоһуор көмүс собоҕун
Лоһугаратан кулу эрэ.
Сэттэ уон сэттэ
Тэрээк илиммэр
Тэрэкэнэ быччыкыгын
Тэбэн кулу эрэ,
Аан сабарай
Аhастаах муҥхабар
Бастыҥ балыккына
Бастаран кулу эрэ!
Тойон эhээм,
Аһаттаххына, эн эрэ аһата5ын,
Сиэттэххинэ, эн эрэ сиэтэҕин.
Көрдөһөбүн!
Аһаа-сиэ,
Мичик гын!

***

Aartyk.ru