Курс валют
$
75.03
0.16
88.96
0.33
Курс валют
Курс валют
$
75.03
0.16
88.96
0.33
Меню
Поиск по сайту

Саккырыырга саха ынаҕын үүтүттэн сыыр оҥордулар

25.06.2020 20:51 0
Саккырыырга саха ынаҕын үүтүттэн сыыр оҥордулар
Санатан эттэххэ, бу кыһын буолан  ааспыт Бырабыыталыстыба отчуотугар Эбээн Бытантайдар саха ынаҕын үүтүттэн сыыр оҥорор былааннаахтарын эппиттэрэ. Маныаха анал оборудование ылыллан, Дьокуускайтан тиэйиллэрэ уонна таҥыллара эрэ хаалла диэн улуус баһылыга Гаврил Горохов иһитиннэрбитэ.

Бу күннэргэ Саккырыыр олохтооҕо Августа Старостина саха ынаҕын үүтүттэн сыыр оҥорон дьонун-сэргэтин күндүлээтэ.

Старостиннар 3 оҕолоох эдэр ыаллар. 2016 сыллаахха бааһынай хаһаайыстыба тэриммиттэр, билигин  уопсайа 35 сүөһүлээхтэр, онтон ыанар ынаҕа -11.
— Августа Старостина: Быйыл 10 ынахпыт төрөөтө. Күҥҥэ 30-40 л. үүт ыыбыт. Нэһилиэнньэҕэ сүөгэй, суорат оҥорон атыылыыбыт. Саха ынаҕын үүтэ сыалаах буолан сыыры оҥорорго саамай табыгастаах дии саныыбын. Амтана даҕаны ураты. Ол иһин ааспыт сылтан сыыр оҥорон көрүөхпүн баҕараммын, интернет нөҥүө ааҕан-көрөн үөрэтэн, бу күннэргэ сыыр оҥорон боруобалаатыбыт. Маныаха улууһум администрацията улахан көмө оҥордо. Ол курдук 300 тыһ. солк. үп көрөн, Новосибирскай куорат интернет маҕаһыынын нөҥүө Киров уобалаһыттан MAGGIO диэн анал оборудование атыыластыбыт. Кыамтата 30 лиитэрэҕэ диэри диэн.
Сыырым суорда «Домашний молочный” диэн. Саха ынаҕын үүтэ уопсайынан амтаннаах, онон бу сыырбар туох да атын буккаһык куппаппын. Билигин кыра партиялары боруобаҕа оҥордубут. Арыый уопутуран, этэргэ дылы, техникатын, ньыматын таптахпытына киэҥ атыыга таһаарыахпыт. Билигин сыырым сыанатын ыараппаппын — 1 киилэтин 500 солк. атыылыахпыт. Инникитин ырыынагы кэтээн көрүөхпүт.
Билиҥҥи сорукпут диэн – окко киириигэ бэлэмнэнии уонна этэҥҥэ оттоон кыстыгы бэлэмнээх көрсүү. Биһиэнэ барыта илии үлэтэ, онон инникитин оттуур анал техника ылан, үлэбитин чэпчэтиэхпитин баҕарабыт» — диэн Августа Старостина санаатын үллэһиннэ.
Билэрбит курдук, саха ынаҕа сыа быыстаах (мраморнай) эттээҕинэн, хойуу сүөгэй үүттээҕинэн аатырар. Онон ураты үрдүк сыалаах, эмтээх, төрүт ынахпыт үүтүттэн оҥоһуллубут сыыр аан дойдуга аатыран туспа бренд буолуон сөп диэн Эбээн Бытандайдар этэллэр.
Санатан эттэххэ, бу дьыл тохсунньу 1 күнүнээҕи туругунан Эбээн-Бытантай национальнай улууһугар 790 хороҕор муостаах саха ынаҕа баар.
***
ТХМ пресс-сулууспата

Оставить комментарий