Курс валют
$
92.26
0.33
99.71
0.56
Курс валют
Курс валют
$
92.26
0.33
99.71
0.56
Меню
Поиск по сайту

Саха ынаҕын үүтэ-аһа — өлбөт мэҥэ уута!

03.05.2020 07:36 1
Саха ынаҕын үүтэ-аһа — өлбөт мэҥэ уута!

Маай бырааһынньыгынан «Саха сүөһүтэ» генопуонда тэрилтэтигэр умнуллубат үтүө күн тосхойдо.


Эдэр технолог Александра Жиркова тэрилтэ Нам улууһун Таастаах нэһилиэгэр баар ынахтар үүттэриттэн сүөгэй, арыы уонна чохоонноох лэппиэскэ оҥорон аҕалан, биир идэлээхтэрин күндүлээтэ.

Саха ынаҕын үүтүн ураты хаачыстыбатын уонна дьон доруобуйатыгар туһатын туһунан элбэҕи кэпсээтэ. Технолог Александра Жиркова төрүт сүөһүбүт аһа-үөлэ саха киһитин иммунитетыгар суолтатын туһунан кэпсиир Саха ынаҕын үүтүттэн астаммыт бородууксуйаны амсайаммыт олус астынныбыт, хайҕаатыбыт. Таастаахтаҕы салаа үлэһиттэригэр махталбытын тиэртибит.

Чахчыта даҕаны төрүт сүөһүбүт аһа-үөлэ иҥэмтиэлээх эттиктэринэн баай, экологическай өттүнэн ыраас буолан, саха дьонун иммунитеппытын бөҕөргөтөр, араас ыарыыларга утарсар кыахытын күүһүрдэр, көмүскүүр-харыстыыр эбит.

«Саха сүөһүтэ» генопуонда тэрилтэтин Таастаахтааҕы салаатын пиэрмэтин үлэһиттэрэ.

Онон, бары салааларга бородууксуйаны оҥорууга ылсан, саха сүөһүтүн аһын-үөлүн дэлэтии тэрилтэбит биир сүрүн соруга буолар. Саха сүөһүтүн аһынан аһаан мэлдьи доруобай, туруктаах олохтоох буолуоҕуҥ.

Түгэнинэн туһанан, үлэлээн иитиллээччилэри сомоҕолуур Үлэ, Эйэ уонна Күөх Маай бырааһынньыктарынан итиитик-истиҥник эҕэрдэлиибин. Бары бииргэ сахабыт сүөһүтүн үтүө аатын дорҕоонноохтук ааттатыаҕыҥ диэн Олег Марков ыҥырар.

***

Пресс-служба Минсельхоз РС(Я)

Обсуждение • 1

Добавить комментарий
  1. Ньургун

    Саамай сөп, маладьыастар.

Оставить комментарий    

Шиномонтаж Левша

СахаСтройПлит
Cтоматология 32
«Стоматология Все 32»