Ньурбаҕа оттооһун былаана 62% туолла

Ньурба улууһун тыа хаһаайыстыбатын оперативнай субуоккатынан, атырдьах ыйын 12 күнүнээҕи туругунан 20925 туонна от бэлэмнэннэ. Ааспыт сылы кытта тэҥниир буоллахха, былырыын баччаҕа 12058 туонна от оттоммута. Онон быйыл окко көрдөрүү үчүгэй. Сезоннааҕы сорудах (33650 т) 62,2% туолла. Ходуһаҕа 714 тыраахтардаах 407 звено, барыта 1651 киһи үлэлии сылдьар. 19853 гаа охсулунна.

Тэриллиилээх хаһаайыстыбалар 1808 т, бааһынай хаһаайыстыбалар 6383 т уонна тус көмөлтө хаһаайыстыбалар 12734 т оттоннулар.

Нэһилиэктэринэн көрдөххө: Акана нэһилиэгэ — 1050 т (79,5%), Бордоҥ — 1680 т (59%), Дьиикимдэ — 870 т (85%), Үөдэй — 704 т (69%), Дьаархан — 1153 т (96,5%), Хаҥалас — 975 т (67%), Күндээдэ — 1470 т (37%), Малдьаҕар — 1523 т (90%), Өҥөлдьө — 1100 т (76%), Хатыы — 575 т (59%), Ньурбачаан — 1382 т (53%), Октябрьскай — 1750 т (64%), Сүлэ — 752 т (62%), Таркаайы — 1615 т (72%), Маар — 1470 т (90%), Хорула — 657 т (33,5%), Чаппанда — 1380 т (50%), Чуукаар — 819 т (50%) оттоннулар.

Тэриллиилээх хаһаайыстыбалар: Степан Васильев аатынан сылгы собуота — 150 т (25%), Дьаарханнааҕы «Саһарҕа» ХЭТ 225 т (75%), «Күндээдэ» ААУо — 520 т (54), «Ньурбачаан» СХПК — 12 т (6%), «Ньурба-Агро» МТС — 470 т (52%), «Хорула» СПК — 22 т (18%), «Чаппанда» СПК — 400 т (67%) уонна Чуукаардааҕы «Кэнчээри» СПК 9 т оттонон иһэллэр.

***

Ааптар: Геннадий АНТОНОВ