Курс валют
$
59.23
0.05
69.8
0.16
Курс валют
Курс валют
$
59.23
0.05
69.8
0.16
Меню
Поиск по сайту

Асклиничтаах түбүктэрэ үгүс

16.11.2017 08:55 4
Асклиничтаах түбүктэрэ үгүс

Билигин арыллар хотоннору былыргы өбүгэлэрбит көрөллөрө эбитэ буоллар, соһуйуох этилэр.

Эмиэ биир сырдык эркиннэрдээх хотон Мэҥэ Хаҥалас улууһун 1-кы Тыыллыма нэһилиэгэр дьэндэйэн тахсыбыт. Ол ‒ Николай Ларионов бааһынай хаһаайыстыбатын хотоно, күрүөтэ-хаһаата. Быйыл дьиэ кэргэҥҥэ бэриллэр граны ылары ситиһэннэр, кэргэнэ Виктория Игнатьева «Победа» хаһаайыстыбатыттан тирэҕирэн, саҥалыы бааһынай хаһаайыстыба тэринэн үлэлээн-хамсаан эрэллэр.
Тоҕус миэтэрэ кэтиттээх, 30 миэтэрэ усталаах хотон 70 сүөһүгэ суоттанан тутуллубут. Билигин манна 52 сүөһү, ол иһигэр, 12 тыһаҕас уонна 17 борооску тураллар. Былырыын 41 сүөһүнү кыстаппыттара. Дьиҥинэн, биисинэс-былааннарын 100 сүөһүгэ суоттаан оҥорбуттар эрээри, 5 мөлүйүөннээх грант кээмэйэ 2 мөлүйүөн 700 тыһыынча солкуобайга диэри аччатыллан, хотоннорун кээмэйин кыччатарга күһэллибиттэр. Хотон оннун буорунан, ол үрдүнэн цемент куппуттар. Эркиннэрэ, үрдэ сэндвич-панеллэр, икки уһугар ааннар үрдүлэринэн поликарбонат түннүктэрдээбиттэр. Электроуокка холбоно илик буоланнар, хараҥа буоллаҕына, диод-панелынан сырдатынан үлэлииллэр. Хотоҥҥо 4 да 4-тээх уу хаһаанар хоһун туппуттар. Сэндвич-панеллары 715 тыһ. солкуобайга атыыласпыттар.
‒ Эһиил сүөһү уулуур систиэмэтин тардыам, ыыр аппарат ылыахпыт, ‒ диэн кэпсиир Николай Асклинич. ‒ 20 сүөһү уулаахтар. Быйыл, хотон туттарга мэһэйдэһэ сылдьыбатыннар диэммит эрдэ ыыталаан кэбиспиппит. Граммытыгар хотон тутуннубут, от пресстиири уонна от охсору, Хаатылыматтан 3 сүөһүнү атыыластыбыт. Уоппут бэйэтэ тырааныспармаатардаах туспа лииньийэ буолуохтааҕа күүтүллэр. Хотону үһүө буолан туппуппут. Граны ылыы усулуобуйатынан, 10 бырыһыаны утары уксабыт уонна, өссө, 30 бырыһыаныгар кредит ылыахтааххыт диэн буолар эрээри, ону ылымаары гынабыт.
Күрүө-хаһаа тутуутугар, саҥа баһылык Константин Лепчиков сүрүннээһининэн, субуотунньук ыытыллыбытын иһин, хаһаайка Виктория Николаевна баһылыкка уонна үлэлэспит дьоҥҥо махталын этэр. Бэйэтэ идэтинэн бэтэринээр-быраас, нэһилиэккэ тыа хаһаайыстыбатын исписэлииһинэн үлэлии сылдьан урбааҥҥа барбыт. Хотон таһыгар 8 да 6-лаах, аҥара үлэһит олороругар суоттаммыт гарааһы туппуттар. Онон, гаас баар сириттэн итэҕэһэ суох тэриммиттэр. Сайын 20 тонна үүтү туттабыттар. Эһиил сайын 20-тэн аҕыйаҕа суох ынаҕы ыырга суоттаналлар. 100-тэн тахса тонна оту оттообуттар. Бэйэлэригэр 40-ча гаа ходуһалаахтарын таһынан, түүлэһэн оттууллар. Росагролизинг нөҥүө ылбыт «Беларустара» ‒ сүрүн төһүү күүстэрэ, иэһин төлөһөн бүтэрэн эрэллэр үһү. Хотоҥҥо «Т-16» тыраахтары үлэлэтэллэр, сүөһү ноһуомун күҥҥэ биирдэ тиэйэн таһааран хотонтон 100-чэ миэтэрэлээх ноһуом мунньар сиргэ самасыбааллатан кэбиһэр. Биэс оҕолорун этинэн, үүтүнэн хааччыйан олороллор. Быйыл буойунаҕа да туттарбыттар.
Николай Ларионов хаһаайыстыбатын түбүгүн таһынан, нэһилиэгин дьонун-сэргэтин уокка оттор маһынан хааччыйар эбит. Элбэх ыал киниттэн маһынан хааччыллан олороллор. Хотонун сарсыардааҥҥы үлэтин үмүрүттэ да, тыраахтарынан хара тыаҕа мас тиэйэ барар. Оттук маһын барытын бысталаан уонна саһааннаан бэлэмниир. Оттообут отторо үксэ чугас буолан, күнүнэн таһан иһэр эбит. Үрэх уҥуор эҥин баар өртүгэр кыһыҥҥы суол-иис турдаҕына тиэйэ барыахтаах. Хотон үлэтигэр нэһилиэк олохтооҕо Албина Говорова көмөлөһөр. Хаһаайыстыба үлэтин сүрүннээн иккиэн кыайа туталлар.

 

Аркадий ИННОКЕНТЬЕВ.
Мэҥэ Хаҥалас

Источник: Пресс-служба Мегино-Кангаласского улуса.

Обсуждение • 4

Добавить комментарий
  1. Ч

    Дьэ бу дьиҥнээх үлэ дьоно. Вика кэллиэгэбит, бииргэ үөрэммит дьүөгэбит, киһи хайгыыр, туруу үлэһит киһи.
    Күтүөт Ньукулай да оннук киһи быһыылаах. Үрдүк ситиһиини, чугас дьоҥҥутугар дьолу-соргуну.

  2. Молодцы

    Мэнэ-Ханалас пресс-службатын хайгыыр эмиэ наада.
    Бу улугэрдээх «Барыта сатарыйда», «Елербут бу кэллэ», «Олорбуппут сыччах» диэн мунатыйыы, орулаЬыы-сарылаЬыы кэмигэр бу дьиннээх улэЬит дьону, кинилэр улэлэрин-хамнастарын, ситиЬиилэрин мэлдьи сырдаталлара олус хайгабыллаах дьыала.

  3. Мэхээлэ

    Сыл аайы 100 млн гос поддержка ылар Сахаплемообьядиние, Ба5арах тэрилтэлэр ситиhиилэрэ ханна баарый, сымыйа отчет , доклад. Эмиэ эстэн эрэллэр

  4. КЕШ

    Хайа да кэмнэ, хайа да былааска-улэсит киси уруйданыахтаах!!!

Оставить комментарий