Үҥкүү театрын саха оркестра Улуу Кыайыыга анаан бар дьонугар бэлэх оҥордо

Олунньу 15 күнүгэр  “Айар Кут” медиа-проект (салайааччы Егор Иванов) сүрүннээһининэн, Улуу Кыайыы 75 сылыгар аналлаах  “Айхал эйиэхэ, төрөөбүт дойдубут” диэн республикатаа5ы патриотическай ырыа күрэ5э буолан ааста.

Бу тэрээһиҥҥэ анаан Сергей Зверев–Кыыл Уола аатынан Үҥкүү театрын саха оркестра  норуот сөбүлээн ыллыыр ырыаларын оркестровкалаан бэлэмнээбитэ.

Оркестр до5уһуолунан ырыалары СР норуодунай, РФ үтүөлээх артыыһа Александр Самсонов, СР үтүөлээх артыыһа Александр Емельянов, СР культуратын үтүөлээх үлэһитэ Николай Спиридонов, ону таһынан 1000–нан ахсааннаах улахан хор толорбуттара.

Оркестр уус-уран салайааччыта, сүрүн дирижера СР искусствотын үтүөлээх деятелэ Николай Петров буолар. Бу ырыалар оркестровкаларын (оркестрга анаан нотаҕа суруйан, тупсаран биэрээһинин) музыканнар Афанасий Томскай, Николай Петров, Валерий Ноенохов, Анна Томская, Анюта Иванова, Афанасий Федоров суруйбуттара.

Оркестр Улуу Кыайыы 75 сылыгар “Айар Кут” медиа-проегы кытта бэйэтин бэлэҕин – 9 ырыа фонограммаларын бар дьоммут туһаннынар, Кыайыы күнүнэн араас тэрээһиннэргэ көхтөөхтүк кытыннынар диэн киэҥ эйгэҕэ таһаарда.

Билигин алта ырыа киирбит, өссө үс ырыа эбиллиэ5э диэн музыканнар этэллэр.

Фонограммалар   аадырыстара – https://modunkyys.ru/category/media/

***

Aartyk.Ru