“Хаһан этэй… кураан дьыл”
@Aartyk.ru телеграм-каналбытыгар элбэх киһи суруйар. Ол онтон быһа тардан бэчээттиибит. Эһиги эмиэ бэйэҕит олоххутуттан араас көрүдьүөс түгэннэри суруйан ыытыаххытын сөп.
– ЗАГС. Үлэлии олоробут. Икки саастаах дьон киирдилэр.
-Холбоhуохпут этэ, урут холбоhон баран арахсыбыппыт (ол тухары бииргэ олороллор). Коллегам сайабылыанньаларын толоро олорон ыйытар: “Хаһан арахсыбыккытый?” /ити пуун булгуччу толоруллар/ О5онньор тиэрэ туhэн баран уордайыахча: “Ээ билбэппин, эhиги араарбыккыт дии!”.
Коллегам: “Оттон сылын эт ээ”. Оҕонньор: “… Ол сайын кураан турбута”.
Ону баара бу дьон 90-с сыллар саҕаланыыларыгар арахсыбыттар эбит. Оччолоргобиһиги саҥа оскуоланы бүтэрбит дьон буоллахпыт.
Онтон кэннилэриттэн биир билэр кыыhым сүүрэн кэриэтэ киирдэ уонна миэхэ: “Түргэнник сайабылыанньата толорууй, мин арахсыам этэ! Холбоhуубут били кураан сайын этэ! “.
Мин айахпын атан баран соһуйан олоробун. Кыыһым күллэ уонна этэр: “Ээ, аан таһыгар олорон истэн ити дьонтон дэлби күллүм, сценка курдук дии!”. Кулустубут аҕай.
***
Биирдэ ыраах дэриэбинэттэн сылдьар таайым куоракка көрдөрүнэ диэн киирбитэ. Көхсүгэр улахан искэн үөскээн, операция анаабыттар этэ. Ийэм арыаллааччы, суол сирдэччи буолан, балыыһаҕа өрүү сылдьыһара.
Хирург таайбыттан ыйытар үһү:
– Бу искэниҥ хаһан тахсыбытай?
Онуоха киһибит кэтэҕин тарбанан баран:
– Анды саҕана, – диэн дэлби күллэртээбит этэ.
***
@Aartyk.ru телеграм-каналтан,
суруйтарыҥ, араас сонуну тута билиҥ, дьүүллэһиҥ, ырытыһыҥ!
Оставить комментарий