Түүҥҥү ыалдьыт

Түлүк уубун аймаан
Түүҥҥү ыалдьытым
Тунаархай сардаҥа
Суһуоҕун ыстан
Түннүкпүнэн
Тыаһа суох устан киирэн
Оронум кытыытыгар
олордо…
Тымныынан көрбүт иччитэ суох хараҕа
Хойдубут хааммын тымырбар тохтотто,
Тыйыстык ньимийбит синньигэс уоһунан
Дорҕооно суох
Бириигэбэр эттэ-
Буруйдааххын!
Барытыгар эн
Буруйдааххын!
Эмиэ уйулҕабын
хамсатан
Эрэйбин хаттаан эргитэн
Өһөх хаанынан оҕуолуур
Оспот бааспын
Быһыта-ойута тутта,
Сыппах быһаҕынан
Этим куҥ өттүттэн элийэн
Үөр ыкка ылан бырахта,
Уонна онно сөп
буолбакка
Сор хараҕын уутунан дьалкыйа
туолбут
Түгэҕэ биллибэт хара
чүөмпэҕэ
Тимирдэ умсары
аста…
Ханан да ал5ас
Хайа5ас булан
куоттарбаттыы
Ороммор хам хараҕалаан
Сытыы сардана суһуоҕунан
Быһыта кымньыылыыр,
Эмэ5ирэн эрэр
Эппэр-сииммэр хатанан
Сүмэһиммин супту уулуур
Түүҥҥү ыар ыалдьытым
Кырыктаах мин палаһым
Туолбут толору ый-
Мин бэйэм буолабын,
Ити мин буолабын…

***

Кыл Суһума.