Сымыйа сурах бассаапка элбэх

Бэҕэһээ “Сунтаарга сүрдээх холорук ааста”, – диэн дьон бэйэ-бэйэтин кытары суруйсубута тарҕаммыта:

“Тыал детскай консультацияҕа киирэн сигнализацияны тыаһаппыт, поликлиникаҕа компьютеры уонна принтердэри умаппыт, музыка оскуолатыгар тиийэн лаампаларын тоҕо солообут уонна өрүс диэки киирэн сүтэн хаалбыт. АЭБ киирэн эмиэ тугу эрэ гыммыт, үлэһиттэрэ куттанан бары уулуссаҕа тоҕо ыһыллан тахсыбыттар. “Березка” детсад сарайа сууллубут, кухня5а түннүгүнэн киирбит розеткалара умайан тахсыбыт. Мин уолум хойукка диэри үлэлиир бэйэтэ бэҕэһээ эрдэ 18.00 чаас ааһыыта кэлбитэ. Үлэлии олордохторуна лаампалара үлтү барбыт өссө туохтара алдьаммыта биллибэт, уоттара баран хаалбыт. ЖКХ олбуорун эмиэ суулларбыт. Коллегам кыыс ол холоругу устубута олох да кураанах үһү, сатаан уһуллубатах. Улахан киһи кэлэн бардаҕа дии, сунтаардар тугу сыыһарбыт буолла? Сэрэтии диэн өйдүөххэ сөбө”.

Информацияны үксүн биир номер тиһэн кэпсээбит. Ол номеры ыйыталаспыппыт, олох да Сунтаар олохтооҕо буолбатах, Аллыҥа диэн Сунтаартан арыычча тэйиччи турар нэһилиэк олохтооҕо Анна Амонова диэн эбит. Кини ити информацияны билэн-көрөн суруйбутун курдук бииргэ үөрэммит үөлээннээҕэ оҥорон группаларынан тарҕаппыт.

Анна өһүргэнэн, этиһитэлээн олорор уонна ити сымыйа сурах-садьык тарҕаммыт диэн бигэргэтэр.

Холорук туһэрин түспүт эрээри. оннук айылаах хоромньуну таһаарбатах.

***

Мария СКРЯБИНА,

“Аартыкка” анаан.