Курс валют
$
92.26
0.33
99.71
0.56
Курс валют
Курс валют
$
92.26
0.33
99.71
0.56
Меню
Поиск по сайту

“СҮЛҮҺҮННЭЭХТЭР”

30.03.2020 22:19 4
“СҮЛҮҺҮННЭЭХТЭР”

Республикабытыгар киһи ылла да тута өйдүү охсубат түбэлтэлэрэ тахса тураллар. Оннуктар олус элбэхтэр. Бу будулҕаннаах, уустук кэмҥэ, баҕар, тугу эрэ ситэ-хото өйдөнүллүбэтэ буолуо. Бэчээт көҥүллүүрүнэн санаа үллэстэр баа буолбат диэн эмиэ баар.


Дьон айаҕын саба туппаккын. Даана Сард диэн суруналыыһы уонна Лааһар Оруоһуну бэйэ-бэйэлэригэр майгыннаһаллар дииллэрин кытта сөбүлэһимээри гынабын. Суруйуулара төһө да “сүлүһүннээҕин” иһин манна кинилэр икки ардыларыгар майгыннаһар суоҕун этээри гынабын.

Оруоһун курдук дьону былыргы ВЧК, кэлин КГБ, онтон кэлин ФСБ туһанарын туһунан суруйуулартан билэбит. Ускул-тэскил сылдьар, кыһалҕаҕа хам ылларбыт киһини булан аһатан-таҥыннаран, тэрийэн, анал сорудах биэрэн үлэлэтэллэрин туһунан сыалай кинигэлэр суруллаллар, киинэлэргэ көрдөрүллэллэр.  Оттон ол  “үлэһиттэри” нэһилиэнньэ өттүттэн, үксүгэр өйдөөбөттөрүттэн, сороҕор соруйан, тэптэрэн биэрээччи куруутун баар буолар эбит. Маннык түбэлтэ чахчы буоллаҕына оруоһуттар чороҥ соҕотох буолбатахтара чахчы. Ооҕуй оҕус ситимигэр, бэйэлэрэ да билбэттэринэн, киирэн биэрбит уонна төлө көтөр кыаҕын сүтэрбит, дьоло суох үгүс буолуон сөп. Маннык санааҕа хантан кэллиҥ, дакаастабыла ханнаный диэххит.  Дакаастабыла кинигэлэргэ, араас суруйууларга  уонна дьон уулуссаҕа, оптуобуска кэпсэтиитигэркытта баар. Ону блокноттаах сылдьан сурунан испэккин, эбэтэр айахтарыгар диктофон аспаккын, инньэ гыннаххына сиэри – туому кэһии, суобас ирдэбилин нөҥүө түһүү буолуоҕа.        

Оттон Даана Сард
диэн суруналыыс  “Сүлүһүннээх таптал” диэн суруйуутун иилэ хабан ылан киинэ оҥорбуттарын туһунан ааспыт сыл республика үрдүнэн кэпсэтии буолбута. Сөбүлээбит, биһирээбит баара биллибэтэҕэ. Арай суруналыыс СӨ аан бастакы Үтүөлээх суруналыыһа аатырбыта. Манньата эбитэ буолуо.  Киинэ түмүгэр олохторун устатыгар үгүс эрэйи эттэринэн-хааннарынан билбит, сэрии сылларыгар быста-быста салҕаммыт, сөҕүмэр сүтүктэммит, оспот баастаммыт, ол үрдүнэн сиэри-туому сүтэрбэтэх, аньыыны оҥорботох, үтүө эрэ ыралаах тыабыт сирин дьоно сиргэ-буорга тэпсиллибиттэрэ. Манна ханнык да ФСБ кыттыгаһа суоҕа буолуо.  Бусуруйуу ааптарын өйүн-санаатын таһыма, ону өйөөн киинэ оҥорбуттар “үйэлээх  үтүөлэрэ” буоллаҕа.  Тоҕо “үйэлээх”  диэтэххэ, бу киинэ хат-хат хатыланан көрдөрүллэр уонна салҕанар. Иккис сиэрийэтэ оҥоһуллубута, ити дьонуҥ үһүс да сиэрийэтин толкуйдуу сылдьар буоллахтарына көҥүллэрэ. Бу тыллары сэрии сылларыгар огдообо ийэни батыһан ферма хотонун эҥэрдэһэн улааппыт, тыам дьонун  ис дууһабынан өйдүүр, ханнык да түгэҥҥэ көмүскэһэргэ бэлэм киһи суруйабын. Биһиги тыабыт сиригэр саха дьонун ортотугар ыалларын дьаатынан сүһүрдээччи суоҕун билэр буоламмын.

Таарыйа эттэххэ Даана Сард, эбэтэр Иван Гаврильев, М.Сибиряков этэринии “тугу тоҕо көтөн”,  Үтүөлээх буолбуттара өйдөммөт.  Бачча уһун кэмҥэ  суруналыыстыкаҕа син өйдөбүллээх буоламмын итини этэбин.
Манна тиэтэйии баара көстөр.  Убай суруналыыстарбыт Д.Кустуурап, Д.Пухов уонна Г.Васильев-Мандар, онтон да атын кырдьаҕас, бу дьыалаҕа олохторун олоччу анаабыт дьон үтүө аакка тиксэллэрэ сиэрдээх буолуо ини. Бастаан кинилэр бэлиэтэниэхтээхтэрэ, ол эрэ кэнниттэн эдэрдэр кэмнэрэ кэлиэхтээҕэ дии саныыбын.                                              

Бырастыы гыныҥ, санаабын баарынан эттэхпинэ эрэ сатанабын.

***

Иван  БУРЦЕВ,
30. 03.  2020 с.
 
                     

 

Обсуждение • 4

Добавить комментарий
  1. Ньогой

    Уйбаан Буурсап бу сырыыга сепке тутуьар.угусдьон ситинник саныыр.лааьар диэн барахсан чахчы органнар сорук болоурдара- биьиги он о да суох эйэтэ суох интелигенция ытын ыьар,тэпсэр заданиелаах. Онубэйэбит дьоммут уйалаан,сэргээн сырыттахтара. Оттон Дана Сард уонна киниэхэ кыттыспытНВК салалтата- сахалыы ейе санаата,сиэрэ суох дьон. Итинник силиьэ мутуга суох,олу европе зированнай,либеральнай сахалар дьиннээх саханы эьэргэ уескууллэр. Туох да сибэтиэй суох ити дьонно.Сардаанадиэнбиэриитэ да оннук- оруо маты ортотунан,бэйэни киэргэтии, кыламаны,тынырагы,атагы кердеруу.эр донно кундуркэйии. Уопсайынан НВК оннук дьахталлар уйалара буолан кестер экрантан- биир поэтесса эмиэ этин сиинин былтатан,туеьун мететен,намыьах куолаьынан сипсийэн,кылап халап керен кэпсэтэ тиийбит эр дьону тылларыттан матарар,кегутэрдии кулэр уерэр! Ол саамай кылаа ынай киниэхэ,Дана Сардка эмиэ. Тыьы тыьыттан занна ыраатыай! Ол утр аарга айыллыбыт уьуллубут туох аанньа буолуой… киьи сиэри ирдээбэт дьыалата. Лааьар хамнаска сордоноро буолуо,атыттар атыырдары манчыыктыырга мехселлер…

  2. Минсаха

    Даана Сард биллэр телесуруналыыс. “Сардаана” диэн НВК-5а бастакынан маннык ис хоhоонноох передачаны ыыппыта. Художественнай киинэ5э тугу ба5ар фантазиялыахха сеп. билинни кэм ирдэбилинэн – Остросюжетнэй оноруу. Саха киинэтэ барыта оннук. Историческай кырдьыгы кэспэтэх. Сэрии са5ана, ас -уел баарын урдунэн аччыктатан суорума суоллабат салайаааччылар элбэхтэрэ.

    • Аагааччы

      Киинэ ис хоьоонун сыаналыыр кыагым сухо, орто айымньы, чэпчэки жанр диэххэ соп, ол иьин ама утуолээх аат бэриллибэтэ ини! Оттон НВК улэьитэ, тэрилтэтин убугэр, техникатыгар, тэрилтэ улэьиттэрин туьанан киинэ устубута коррупцияга майгынныыр. Норуот нолуогун харчытыгар улэлиир бюджет тэрилтэтэ итинник дьаьанара сыыьа!

  3. 😒

    Ээ ол ”Сардаана” передачатын иһин үтүөлээх буолта дуо? 20 сылы быһа таҥас, косметика рекламалаабытыгар? Туох да уларыйыыта суох биир да биир, дьоно эрэ уларыйар, аны ол кэпсэтиигэ туой биир ыйытыылары биэрэр, хпртыыҥка курдук олорор. Киһи надоел буолар передачата этэ. Кэлин Плотникова ылан арыый сэргэхсийдэ. Киинэтэ ынырык дьаабы. 2 ч.көннөрө сатаабыттар да өссө дьаабы. Туох мистикатай, дьааттаах киһибит 30 сылы быһа саһан олорон от эмп оҥорор, онон тугу гынара, кими эмтиирэ биллибэт. Аны отут сыл ааспыт ааттаах да дьоммут 20-30 саастан кырдьыбатахтар. Киһи итэҕэйбэт, туох да үчүгэйи булбат акаары выдумка. Сивцева кинигэлэрэ эмиэ саха майгытыгар суоҕу ойуулууллар, туох да дириҥ өйдөбүлэ суохтар. Бука урдук крышалаах буолан аакка-суолга тигистэҕэ.
    Оттон Лазарь Рожин таҥараҕа мастаммыт кэриэтэ улуу дьоммутун түһэрэ, сиҥнэрэ сатыыр өйдөммөт киһи. Ким кинини күөртүүрэ буолла.

Оставить комментарий    

Шиномонтаж Левша

СахаСтройПлит
Cтоматология 32
«Стоматология Все 32»