Сомоҕо домохтор

Таҥара аһын курдук тут. Аһы наһаа харыстаа, кэччэй.

Таҥара уон оччону биэриэ. Харыстаама, кэччэнимэ, биэр, ол биэрбиккин таҥара кэлин уон оччонон төлүөҕэ диэн этии.

Тарбаабыт ынах курдук. Кыһаллыбат; көрсүө.

Тары сиэбит ыкка дылы. Титириэр диэри тоҥмут.

Тириитэ тэнийдэ. Астына дьаарбайда, көрүлээтэ; үлэлээтэ-хамсаата.

Топпутун тобуга уйбат. Баайдаахпын (баардаахпын) эрэ диэн, кыаҕын, туругун таһынан быһыыланар, киэбирэр, бардамсыйар.

Төттөрү өҕүт. Былдьаабытын, кыһайан, төттөрү ыл.

Тыла-өһө тобуллар. Иэйэн-куойан кэпсиир, кэпсээнэ киирэр.

***

Aartyk.ru