Курс валют
$
92.26
0.33
99.71
0.56
Курс валют
Курс валют
$
92.26
0.33
99.71
0.56
Меню
Поиск по сайту

“Ситимнэр” уонна сунтаардар МПТИгэ дьоро киэhэни тэрийдилэр

25.03.2017 00:41 0
“Ситимнэр” уонна сунтаардар МПТИгэ дьоро киэhэни тэрийдилэр

Саха сирин араас муннуктарыттан уолаттар уонна кыргыттар дойдуларыттан чиэски сытар алмаастаах кыраай киинигэр уерэнэ кэлэллэр. «Ситим» медиа-белех салалтата, саха ыччатын бырамыысыланнаска сыhыарыы суду оруолун учуоттаан туран, Мииринэй политехническай институтун кытта дьыалабыай сибээhин быспат.

Бугун Саха сирин саамай улахан бырамыысыланнай оройуонугар, Мииринэйгэ, баар урдук уерэх кыhата хайдах олорор? Туох ситиhии тосхойдо?
Бу куннэргэ Сунтаар улууhун Сунтаар, Кириэстээх, Куокуну нэhилиэктэрин а5ам саастаах дьоно, далбар хотуттара ыччаттара уерэнэр МПТИГэ ыалдьыттаатылар. Онтон «Ситим» сурун таhаарыыларын эрэдээктэрдэрэ, суруналыыстар тугу билиэхтэрин ба5арбыттарын биллилэр, истиэхтэрин иhиттилэр. Ыраах Туймаада хочотуттан Мииринэй сиригэр кэлбит айар куттаах дьонно дьикти, сэргэх тэрээhин буолла. Ханнык да тэрээhин, тумсуу, мунньах буоллун – барыта суолталаах, интэриэhинэй.
Кулун тутар 24 кунун киэhэтигэр МПТИ киин куорпуhун аактабай саалатыгар элбэх киhи кыттыылаах бэрт дьоhун тэрээhин, дьоро кэнсиэр буолла. Сунтаардар чахчы да саха урамньытын тутан олороллорун керен итэ5эйдибит. Бу ырыаhыттарын, бу танастара-саптара сиэдэрэйин, бу уран тигиилэрэ баайын-мандарын, ханнык да улуус киэнигэр маарыннаабат.
МПТИ устудьуоннарыгар анаан Мииринэйгэ чугас сытар ыаллыы улуус талба талааннара бэртээхэй кэнсиэри кердердулэр. Кэрээбэт кэпсээн, араначчылыыр алгыс долгун суhумунан уhуннулар. Ырыа-тойук дьиэрэйдэ, дуолан тойук чоргуйда. Оhуохай тыла оhуордана оонньохолоото, куулайбыт куруhу, суhуктуйбут санааны илгэр эрэл кыымын сириэдитэр тыллар элэгэлдьийэ этилиннилэр.
Биhиги – саха дьоно, ырыа-тойук куттаах дьоммут. Yчугэй ырыаттан мэктиэтигэр утуерэбит, санаабыт саймаарар чараас эйгэлээхпит. Онон, сунтаардар оhуохайдаан дэгэйбиттэриттэн, олонхолообуттарыттан, туойбуттарыттан мииринэйдэр быарбыт манньыйда, сурэхпит эгдийдэ. Сунтаардар саха норуотун угэстэрин араас омуктар туелбэлээн олорор сирдэригэр быhаччы тиэрдэр, кэрэхсэтэр модун куус эбиттэр. Мантан ситим уескээн, сахалыы тылы, кэрэ эйгэтин сэнээрээччилэр эрэлбит, тирэхпит буолар Мииринэй ыччата инникитин да бэйэтигэр букпэккэ, атын саха дьонун кытта билсиhэ туруо диэн эрэх-турах сананабыт.
«Байдам-2017» атыы-тутуу дьаарбанкатын, Мииринэй салалтатын уонна уопсастыбаннаhын кытары керсуhуу тэрээhинин суруннээччи «Ситим» медиа-белех генеральнай дириэктэрэ Мария Христофорова бу кэрэ-бэлиэ куннэргэ утумнаахтык кыттыбыт дьонно махтанна, биhирэбил бэлиэлэрин туттартаата.
Мииринэйдэр “бу курдук кэнсиэргэ сылдьыбатахпыт быданнаабыт эбит” диэн олус астыннылар уонна маннык биhирэм киэhэлэр ессе да буола турдуннар диэн ба5а санааларын биллэрдилэр.

****

Станислав Алексеев, Мииринэй.
Ааптар хаартыскалара.

Оставить комментарий    

Шиномонтаж Левша

СахаСтройПлит
Cтоматология 32
«Стоматология Все 32»