Курс валют
$
58.46
0.54
69.18
0.22
Курс валют
Курс валют
$
58.46
0.54
69.18
0.22
Меню
Поиск по сайту

Сахатын түһэрэр соччото суох кандидат эбит…

06.09.2017 10:20 3
Сахатын түһэрэр соччото суох кандидат эбит…

Аллараа Бэстээх төһө да дьоҕус бөһүөлэк буоллар, үтүмэн аартык айаҕар сытарынан, Саха сирин сайдыытыгар улахан суолталаах бөһүөлэк. Туох баар уунан, сиринэн тиэллэр таһаҕас Бэстээҕинэн ааһар. Бэстээх сирэ-уота былдьаһыкка барбыта баар суол. Тимир суол кэлиэн быдан инниттэн омук дьоно итиннэ “сымыыт баттаан” сыталлар диэн сахалыы тыллаах хаһыаттар элбэхтэ суруйан тураллар.

Аартык айаҕа хаһан баҕарар элбэх харчыны хамсатар, онон иҥсэни-оботу күөттүүрэ биллэр. “Уһун солкуобайы”сырсааччылар Бэстээҕи түбүлээбиттэрин сүрүн төрүөтэ онно сытар. Оннооҕор урукку ИДь миниистирэ айдааннаах Яков Стахов, үрдүттэн хонтуруоллаары буолуо, Бэстээххэ бэл даача туттарбыта.

Бэстээххэ сири уҥа-хаҥас кэлии дьоҥҥо мэнэйдэһээһин билиҥҥи баһылык Георгий Бор саҕана бордук бардаҕа. Кини Бэстээххэ инньэ 2005 сылтан баһылыктаан олорор. Ол тухары төһө-төһө сир кимиэхэ-кимиэхэ ханнык-туох усулуобуйаҕа бэриллибитэ биллибэт. Дьиҥинэн, Бэстээҕи бэрээдэктээри  Мэҥэ Хаҥалас улууһун киинин Майаттан көһөрбүттэрэ. Улуус урукку баһылыга Владимир Птицын республика салалтатыгар туруорсан оройуон административнай киинэ көһөрүллүбүтэ. Биллэн турар, урукку олохтоох былаас боломуочуйатын былдьатыан баҕарбат.   Ол иһин Бэстээх бөһүөлэгин баһылыгын талар быыбар улахан суолталаах, иһэ-истээх быыбарга кубулуйда. Оннук да буолара эрдэттэн сэрэйиллэр этэ.

Кэлии дьону кытары ылса-бэрсэ үөрэммит Георгий Бор былааһыгар хаалыан баҕарар, амтаһыйдаҕа. Итини сэргэ, Бэстээх суолугар-ииһигэр ымсыырааччы атын омуктар, атын кланнар эмиэ бааллар. Кинилэр Дьокуускайга топпокко, сорох-сорохтор саха мэриттэн холдьоҕуллан, таһынааҕы улуустарга, чуолаан Мэҥэ сиригэр харахтарын хатаан аҕай эрэллэр. Урут харчынан, урбаанынан өтөн киирэр эбит буоллахтарына, билигин былаас дуоһунастарынан кандидаттары туруортаан киирэ сатаан эрэллэр.

Аллараа Бэстээх баһылыгар турбут биир кандидат – Петр Петров быһаас Дьокуускайга киирэн Петросян диэн тутааччыны көмүскээн күүстээх-уохтаах тыл этэн турар. Ол кэнниттэн икки ый ааспытын кэннэ Бэстээххэ баһылыкка кандидатынан турда. Бу икки түгэни, биллэн турар, дьон ситимнээн көрдө. Петров кимнээх интэриэстэринэн Бэстээҕи баһылыырга турунна?

Аны бу соторутааҕыта бэстээхтэр үгүстэрэ билэр киһибитин — Толстоухова Александра Алексеевнаны, атын омуктар көрөн-истэн олордохторуна, дьон бөҕө ортотугар “сахалар итирикситтэр”, оннуктар-манныктар, “эн-нууччалыы өйдөөбөккүн, саҥарба!” диэн бэйэтин омугун киһитин атаҕастаабыта бу хайдаҕый?! Сиэргэ баппат быһыы буолбатах дуо?!

Петров Петр Николаевич, биллэн турар, өр милииссийэҕэ үлэлээбит, улахан дуоһунастана сылдьыбыт киһи статистикаҕа сигэммитэ биллэр. Кырдьык, сыыппаранан көрдөххө, Саха сиригэр саамай элбэх буруйу сахалар оҥороллор. Ол гынан баран, Саха сиригэр кимнээх олороллоруй, Петр Николаевич? Сахалар. Башкортостаҥҥа кимнээҕий? Башкирдар. Татарстаҥҥа? Татаардар. Арменияҕа? Армяннар. Ханна кимнээх түөлбэлээн олороллор да, ол омук бэрэстэбиитэлэ үчүгэйгэ да, куһаҕаҥҥа да бастакы көрдөрүүлээхтэрэ өйдөнөр буолбатах дуо? Ону Петров ама билбэт, өйдөөбөт үһү дуо?!

…Статистика быһыытынан, Арменияҕа саамай элбэх арыгыһыт, уоруйах, өлөрүөхсүт – армяннар, саамай бэрээдэктээхтэрэ – сахалар диэбит курдук тэҥнээһин буолан тахсар.

Дьэ, сүрдээх диэтэҕиҥ… Хайдах “оннук-маннык куһаҕан” сахалартан Петров курдук саха төрөөбүтэ буолла? Баҕар, атын “үчүгэй” омуга дуу?

Кэлэйдим. Киһи саатар быһыыта…

***

Мария СИВЦЕВА,

Аллараа Бэстээх олохтооҕо.

Обсуждение • 3

Добавить комментарий
  1. Выборщик

    Мария Сивцева чей Вы человек? Что за у вас статья со странными выводами? Вы сами верите во что написали про Бора и Петрова? Видно, что вам заплатили хорошо за статью.

  2. соп ээ

    петров п н омуктартан харчы сиэбитэ ыраатта ону билэбит паловскайга главаалы олрон крыышалаан.

  3. Петров

    Аллараа Бэстээххэ, Уеьээ Булуулэри, Ньурбалары, Сунтаардары а5алыахха наада. Илин энэрдэр воинственнайа суох дьоннор.

Оставить комментарий