Курс валют
$
92.26
0.33
99.71
0.56
Курс валют
Курс валют
$
92.26
0.33
99.71
0.56
Меню
Поиск по сайту

Саха сирин олохтоохторун орто хамнаһа – 70 тыһ. солкуобайга тэҥнэһэр

15.08.2020 08:33 6
Саха сирин олохтоохторун орто хамнаһа – 70 тыһ. солкуобайга тэҥнэһэр

Саха республикатын олохтоохторун орто хамнаскыт 70 тыһ. солкуобайга тэҥнэспитинэн ис сүрэхтэн иэйэн-куойан туран Сахастат сыыппарата эҕэрдэлиир.

Ол гынан баран ити эҕэрдэни сорох дьон тоҕо эрэ, хайдах эрэ тириитин таһынан ылынар. Россия үрдүнэн саамай улахан хамнастаах регион быһыытынан “рейтиннэрэ үрдээбитин” итэҕэйбэттэр. Сотору-сотору сиэптэрин хастан көрөллөр да, 70 тыһыынчаҕа маарыҥныыры олох була иликтэр.

Өссө ити былырыыҥҥы орто хамнас кээмэйэ этэ, дьиҥинэн. Быйыл өссө улааттаҕа буолуо.

Сахастат ааҕыытынан, 2019 сыл тохсунньу-ыам ыйга Саха сиригэр орто хамнас  69 904,6 солкуобайга тэҥнэспитэ. Кырдьыга, үлэтэ суох киһи ахсаана күн-түүн элбии турар. Олор суоттарыгар тойон-хотун хамнаһа улаатара буолуо, бэл бырыыҥҥы ааҕыынан чиновник хамнаһа ортото 74 тыһ. солкуобай диэн этэ.

Элбэх хамнастаах дьон кимнээҕий? Биллэн турар, салайааччылар, чиновниктар. Холобур, “Саханьюс” сайт соторутааҕыта, бу пандемия быыһыгар, хамнастарын хас да бүк улаатыннарбыт тэрилтэ салайааччыларын испииһэгин кэчигирэппитэ. Айсен Николаев чиновниктары аҕыйатабын, хамнастарын быһабын диэн кэрэ кэпсээннээх этэ да, сыыппара букатын атын сонуннаах буолла.

Холобур, Тутуу министиэристиэбин тэрилтэлэрин салайааччылара  110 тыһ. – 600 тыһ. солкуобай хамнастаахтар.

Урукку тутуу миниистирэ Вера Кузакова билигин ГАУ «Управление государственной экспертизы проектной документации и результатов инженерных изысканий в строительстве РС(Я)» тэрилтэни салайан олорор, хамнаһа – 407,2 тыһ. солкуобай. Солбуйааччылара Кузаковатааҕар өссө үрдүк хамнастаахтар – (Мучин В.И. и Филиппов С.В.) – 624,9 и 377,7 тыһ. солк. , кыл. бухгалтердара  (Гурулева Л.В.) – 353,8 тыһ. солк.

Иккис миэстэҕэ баһан ылар улахан хамнастаах тойотторунан ГАУ «Региональный центр РС(Я) по ценообразованию в строительстве» тэрилтэ буолбут. Хотуннара (Гермогенов Г.Р.) – 293,4 тыһ. солкуобай. Солбуйааччыта (Иннокентьева М.Ш.) ортотунан – 264,6 тыһ. солк., кыл. бухгалтер – (Овчинникова Е.А.) – 171,7 тыһ. солк.

Тутуу эйгэтигэр үһүс бочуоттаах миэстэҕэ  икки хааһына тэрилтэтэ киирбит –  «Дирекция жилищного строительства РС(Я)» уонна «Служба государственного заказчика РС(Я)», салайааччылара (Ткаченко И.В. уонна Кушкирин П.И.) ыйга 166,1 тыһ. уонна 156,5 тыһ. солкуобайы ылаллар эбит.

ГКУ «ДЖС РС(Я)» солбуйар генеральнай дириэктэрэ  (Кылбанов С.С.) хамнаһа 137,2 тыһ. солкуобай.

«СГЗ РС(Я)» салайааччыта биэс солбуйааччылаах, хамнастара үчүгэй:  164,1 тыһ. солк.  (Норин А.А.), 137,1 тыһ. солк.(Кожуров Н.Н.), 142,8 тыһ. солк. (Босиков Ф.И.), 134 тыһ. солк. (Зыбцев А.В.), 115,5 тыһ. солк. (Скрыбыкин Г.Ю.).

Правительство дьиэлэрин көрөр-истэр ГБУ “СЭТО” тэрилтэ салайааччылара дуоһунастарыгар ананаат даҕаны хамнастарын икки төгүл улаатыннарбыттар.

2018 сылга СЭТО салайааччытын хамнаһа  110 тыһ. солкуобай эбит буоллаҕына, 2019 сылга – 222 тыһ. буолбут. Тойон Дмитирий Семенов икки солбуйааччылаах, онтулара 236 тыһ. (Д.Г.Григорьев) уонна  240 тыһ. солкубайы  (С.М.Григорьев) аахсыбыттар, оттон харчы ааҕааччылара  (И.В.Слепцовой) –  237 тыһ. солкуобай хамнастанар эбит.

Ону таһынан, ГБУ «Служба автотранспортного обеспечения» салайааччылара хамнастарын улаатыннарбыттар. Завгар Г.Ю.Федоров  110 тыһ. ылар эбит буоллаҕына, 2019 сылга 142 тыһ. “хочу” диэбит. Солбуйааччылара  ортотунан 91 -110 тыһ. солкуобай хамнастаммыттар.

Общественнай палата салайааччыта хамнаһа былырыын 127 тыһ. солкуобай эбит. Оччо  хамнаһы ылан олорор “общественник” истигэн буолара көнө.

Былырыын Aartyk.Ru оскуола, детсад салйааччылара, олор солбуйааччылара 150-200 тахса тыһ. солкуобай хамнастаахтарын ааҕан турар. Онон ити дуоһунастарга “мээнэ” дьон анаммат. Билсии-көрсүү, аймах-билэ дьон ананар дуоһунастара.

Дьиҥинэн, орто хамнас 70 тыһ. солкуобайга тэҥнэспитэ туох куһаҕаннаах буолуой. Ол гынан баран, ити сыыппара республика олохтоохторун барыларын хамнаһын орто көрдөрүүтэ эбитэ буоллар, дьэ, былаас сыалын-соругун ситэрдэ диэх этибит. Ону баара норуот үксэ  тиийбэт тирии, таппат тараһа олохтоох, онон 70 тыһ. орто хамнас диэн отчуоттуур олуона.

***

Aartyk.Ru

Обсуждение • 6

Добавить комментарий
  1. ОТК

    Дууооо?!!!! Может и средняя пенсия 50-70 т р а или больше??!!!

  2. Лариса

    Себя чинуши никогда не обделят🤬

  3. товарищ Сталин

    Право, не важно как голосовали а важно как посчитали.

  4. Олохтоох Саха

    Тойоттор хамнастарын ылыа суохха наада, боростуой улэьит хамнаьын ылан керун, мрот!!! Позор урдук уерэхтээх дьоннор мрот ылаллар, ол аата хамнаьа кыратын иьин эбэн туран мрот буолар!

  5. Серафим

    Илин эҥэр топпот тойотторо -Мучин 624 тыһыынчаны, Семенов-200, Босиков-124 тыһыынчаны туох иһин ылалларый?.
    Туох ааттаах иҥсэ мэнэгэй дьоной бу илин эҥэрдэр?

  6. Серафим

    Хватит кормить дармоедов

Оставить комментарий    

Шиномонтаж Левша

СахаСтройПлит
Cтоматология 32
«Стоматология Все 32»