Курс валют
$
58.46
0.54
69.18
0.22
Курс валют
Курс валют
$
58.46
0.54
69.18
0.22
Меню
Поиск по сайту

Редактордар сүбэлэрэ. Информация – суоһарыылаах күүс

21.04.2017 15:47 3

Аан дойдуну баһылыырга, былыр, буорах күүһэ быһаарбыт эбит буоллаҕына, билигин бэчээт оруола улаатта.

Редактордар сүбэлэрэ. Информация – суоһарыылаах күүс

“Ким информацияны баһылыыр – аан дойдуну баһылыыр” диэн этии аныгы үйэҕэ, дьэ, силигин-ситэн, муҥутуурдук сайдан турар.

Государстволар информационнай политикаларыгар сүрүн боҕомтону уураллар. Сол кэриэтэ эмиэ, биһиги, аҕыйах ахсааннаах да буоллар, национальнай республика статустаах, ааттаах-суоллаах дьон, төһө информационнай куттала суох буоларбытын хааччынан олоробут? Төһө аан дойдуга буола турар дьалхааннартан харыстанар, көмүскэнэр, наада буоллаҕына утарылаһар, өйдөһөр кыахтаахпытый?

***

Быйылгыттан саҕалаан, Сибээс уонна информационнай технология министиэристибэтин иһинэн, “Редактордар сүбэлэрэ” диэн түмсүү баар буолла. Миниистир  Александр БОРИСОВ, информационнай политика, кини салайар министиэристибэтигэр бэриллибитинэн сиэттэрэн, “госСМИ”, “чааһынай” диэҥҥэ араарбакка эрээри,  ааҕааччы балай эмэ сэргээн ааҕар кумааҕы, интернет хаһыаттар редактордарын биир сиргэ түмэргэ холонно.

Урукку өттүгэр, маннык чааһынай уонна государственнай СМИлары тэҥинэн түмэ тардарга хамсаныы суох этэ. Эбэтэр “кэтэхтэр” түмсэн ылаллара, эбэтэр  государственнайдар. Онон, билиҥҥи тэриллибит Редактордар сүбэлэрэ, кэнэҕэс, тугу эмэ көдьүүстээҕи “төрөтүө” диэн эрэнэ саныахпытын баҕарабыт.

Бастатан туран,  хайдах-туох информационнай эйгэҕэ тиийэн кэлбиппитин, олорорбутун ырытан көрүөхтээхпит. Төһө да атын-атын саҥалаах, санаалаах суруналыыстар, суруксуттар баар буолбуппутун иһин, син биир, республикабыт сайдарын, үчүгэй буоларын, күүһүрэрин туһугар үлэлии-хамсыы сылдьабыт. Ити миитиннии тахсыбыттар да, ыҥырбыттар да, улахан уораҕайга олорбуттар да   — ама ким төрөөбүт, бэйэлээх бэйэтин дьонун-сэргэтин утары үлэлиибин диэн сананыаҕай?! Киһи барыта “тубустарбыт” диэн санаанан салайтаран сырыттаҕа. Сыалбыт биир – суолбут араас.

Информационнай политиканы салайар анал департамент тэрилиннэ. Ону таһынан, анал, дьоҥҥо биллэринэн — Бэчээт департамена баар, сибээс, информационнай технология министиэристибэтэ. Дьиҥинэн, салайыахтаах структуралар бааллар, ону таһынан, хата, үтүмэннэр.

Республика информационнай эйгэтигэр, араас таһымнаах быыбар буолаары турарынан, соччото суох балаһыанньа үөскээтэ диэн билиниэххэ наада. Араас усках да, түбүлээн оҥоһуулаах да сабыдыалга, билбэттэринэн манчыыктаан дьону үктэтии элбэх. Итиннэ, дьоҥҥо-сэргэҕэ, кырдьыктаах информация кыайан тиийбэтэ, быһаарыллыбата, суолта ууруллубата төрүөт буолла.

Государственнай политиканы тарҕатыахтаах, норуот харчытыттан миллиард иһинэн-таһынан үбүлэнэр хаһыаттар, телевидение, араадьыйа, интернет-ресурстар  бэйэлэрин туһааннаах аналларын – норуоту информациянан хааччыйыылара – быстар мөлтөхтүк ыытылларын түмүгэ таҕыста.

***

Информационнай политика – улахан уустук уонна түбүктээх, сыралаах үлэ. Мээнэ бэлэм харчыны үллэстии уонна тыырсыы буолбатах. Идеологияны оҥорор уонна ону пропагандалыыр — сүрүн салаа.

Итиччэ элбэх ресурсалаах, талааннаах суруналыыстаах, үбүлэниилээх олорон государственнай СМИ көдьүүһүнэн, дьайыытынан абына-табына үлэһиттээх, быстах үбүлэниилээх чааһынай хаһыаттарга тоҕо баһыйтарарый? Оччотугар туох сыыһа, алҕас баарый, тугу оҥоруохха, уларытыахха, сөбүй? Ити уонна да атын “ыарыылаах” боппуруостарга хоруй ылаары, Редактордар сүбэлэрэ, Саха Республикатыгар информационннай политиканы сүрүннүөхтээх департамент салайааччытын Роман МАНДЗЯГЫ иһитиннэриитэ оҥор диэн этии киллэрдибит.

МАНДЗЯККА “иһитиннэрии оҥор” диэбиккэ улаханнык өһүргэниэх курдук тутунна-хабынна: “Оччотугар эһиги эмиэ отчуоттааҥ!”…

Ситэриилээх былаас дуоһунастаах сирэйигэр “үлэҥ туһунан билиһиннэр, былааҥҥын кэпсээ, үллэһин” диэбиккэ, итинник утары күрдьүөттээһин олуонатык көһүннэ.  Кини этэ буоллаҕа, дьэ, түгэн тосхойбучча ыһа-тоҕо кэпсиэхтээҕэ, сырдатыахтааҕа.  Билигин кини — чааһынай хаһыат суруналыыһа буолбатах, кини — чиновник, былаас бэрэстэбиитэлэ буолан олорор. Ону өйдүү илик бадахтаах дуу, тугуй…

Инньэ гынан, модератор, миниистир БОРИСОВ этиитинэн ыам ыйын эргэтигэр, Роман МАНДЗЯК дакылаатын истиэхпит, ырытыһыахпыт диэн сүбэлэстибит.

Аныгыс мунньахха, бу сырыыга суох — “Кыым”, “Үлэ кууһэ”, “Амма олоҕо” хаһыаттар редактордара кэлиэх этилэр.

***

Aartyk.Ru

 

 

 

Обсуждение • 3

Добавить комментарий
  1. убайаан

    Тугу кэпсэттигит, туох туhааннаа5ы субэлэстигит, мунньах тумугэ: аныгыскы сырыыга Мандзягы истиэхпит — диэн буолла дуо? Тема не раскрыта.

  2. минсаха

    Билинни аа5ааччы сэбиэскэй кэм (80-с, Горбачев кэминээ5и) аа5ааччыта буолбатах: Якутск вечерний, Туймаада, эрдэтээ5и «Кыым» ( желтай анаардаах пресса) ,билинни сахалыы, нууччалыы аа5ар орто аа5ааччылары, биhигини буорту гыммыт. Сенсацияны интэриэhиргээн сахалыы орто саастаах аа5ааччы (оло5ор ыараханнардаах) тугу да учугэйи итэ5эйбэт, негатибы эрэ ылынар, . «Болотной» площадтарга тахсар кандидаттарбыт

  3. Хэх

    А почему так болезненно среагировал Мандзяк? Это же его обязанность представлять СМИ о проделанной работе на должности, или не так?

Оставить комментарий