Курс валют
$
66.75
0.12
75.78
0.39
Курс валют
Курс валют
$
66.75
0.12
75.78
0.39
Меню
Поиск по сайту

Ньурбатааҕы көтөр фабрикатыгар 50 тыhыынча куурусса батар саҥа германскай оборудование туруо

27.08.2018 14:39 0
Ньурбатааҕы көтөр фабрикатыгар  50 тыhыынча куурусса батар саҥа германскай  оборудование туруо

Бэҕэһээ, атырдьах ыйын 23 күнүгэр, Александр Атласов Бүлүү умнаһын улуустарынан сырыытын түмүктээтэ. Бүлүүгэ, Сунтаарга уонна Ньурбаҕа улуус, нэhилиэк баhылыктарын, тыа хаhаайыстыбатын үлэhиттэрин кытта көрүстэ.  Оробуочай бөлөх тыа хаһаайыстыбатын эбийиэктэрин көрдө-иһиттэ, бааһынай хаһаайыстыбалар үлэлэрин кытта сиһилии билистэ.

Оробуочай сырыы түмүктүүр түһүмэҕинэн Ньурба куората буолла. Манна Александр Атласов көтөрү иитэр фабрикаҕа тиийэн салалтаны кытта көрсөн кэпсэттэ, фабрика билиҥҥи туругун билистэ. Ыраах Убайааҥҥа турар Ньурбатааҕы көтөр фабриката бастакы суолталаах эбийиэк.

Санатан эттэххэ, Ньурбатааҕы көтөрү иитэр фабрикаҕа бу дьыл ыам ыйын 18 күнүн түүнүгэр 45 тыһыынча куурусса турбут килиэккэтэ сууллан түспүтэ. Нэһилиэнньэ сымыытынан хааччыллыытын быспат инниттэн кууруссаны атыылааһын саҕаламмыта. Көтөр фабрикатын дириэктэрэ этэринэн, Ньурба куоратын уонна нэһилиэктэр олохтоохторугар билиҥҥи туругунан 12 303 тыһ. куурусса атыыламмыт.  Күн бүгүн фабрикаҕа 12 600 куурусса баар, олортон күҥҥэ 3,6 тыһ. сымыыт ылаллар.

Маныаха бу күннэргэ фабрикаҕа муостаны көтүрүү уонна сыаҕы бетонннуур үлэлэрэ бүттүлэр. Бу үлэҕэ уопсайа 8 мөл. солк. туттулунна.

Саахал кэннэ суһал мунньах түмүгүнэн, фабрикаҕа саҥа 49,6 тыh. куурусса батар 20 мөлүйүөн солкуобай суумалаах «Биг Дайчмонд» германскай фирма оборудованиетын аҕалан туруорар улахан соруктар турбуттара. Саҥа оборудование Ньурбаҕа балаҕан ыйын 20 чыыhылатыгар кэлэр. Атырдьах ыйын 23 күнүнээҕи туругунан, туттарааччыга 19,5 мөл. солк. төлөммүт (88% уопсай суумматтан). Маныаха ороскуот сорох чааһын тыа хаhаайыстыбатын министиэристибэтэ уйунарыгар көмө наада диэн бэлиэтээтилэр. ТХМ миниистирин э.т. Александр Атласов эппитинэн, атырдьах ыйын 10 күнүнээҕи бирикээһинэн, ылыллыбыт оборудование уопсай сыанатыттан 80% государство суотугар төннөрүү бэрээдэгэ тахсыбыта.  Бу бирикээс гражданскай уопсастыба институтун сайдыытын министиэристибэтигэр регистрацияҕа сытар. Манна кыттыан баҕалаахтар сайаапкаларын биэриэхтэрин сөп. Сүүмэрдээһин балаҕан ыйыгар буолуоҕа.

***

СР Тыа хаһаайыстыбатын  министиэристибэтин пресс-сулууспата.

Оставить комментарий