Курс валют
$
76.47
0.61
90.41
0.94
Курс валют
Курс валют
$
76.47
0.61
90.41
0.94
Меню
Поиск по сайту

Манчаары Баһылайга памятник туруоруллан эрэр

28.09.2020 20:36 4
Манчаары Баһылайга памятник туруоруллан эрэр

Аллараа Бэстээххэ саха национальнай геройугар Баһылай Манчаарыга анаммыт памятник кэлэн оннун-туойун булан эрэр. Бу памятник ааптара СР норуодунай худуоһунньуга, скульптор Афанасий Романов буолар. Памятник Мэҥэ Хаҥалас улууһун дьаһалтатын үлэҕинэн оҥоһулунна. Үс сылы быһа илдьиритиллибит, кэпсэтиллибит, үлэлэниллибит бырайыак силигэ ситэн норуот ыра санаата оҥостубут геройа, төрөөбүт Мэҥэтигэр боруонса тааһынан кутуллан, чочуллан төнүннэ . Улуус аатыттан памятнигы оҥорууга райсовет председателэ Павел Сазонов сүүрбүтэ-көппүтэ биллэр. Алтынньы 9 күнүгэр памятнигы арыйар сиэр-туом тэриллиэхтээх.

Бу Манчаары Баһылайга бастакы памятник буолар. Саҕалааһын баар.

Манчаары кыыс намчы үтүө дьүһүннээҕэ, эйэҕэс-сайаҕас майгылааҕа диэн норуот үһүйээннэригэр, ырыатыгар-тойугар хоһуйуллар. Памятник  Бэстээх кытылын туруору сыырын тахсааты кытары уун-утары атынан айхаллаан көрсүөҕэ.

Манчаары Ньурба Малдьаҕарыгар көмүллэ сытар. Урут баһын уҥуоҕунан скульптордар маннык дьүһүннээх этэ диэн сабаҕалаан бюст оҥорбуттара билигин дойдутугар музейга турар.

Манчаары Ньурбаҕа көскө кэлэригэр «бүдүгүрэ кырдьыбыт оҕонньор» этэ диэн норуот уос номоҕо кэпсиир. 60-ттан тахсыбыт киһи былыр «бүдүгүрэ кырдьыбыт» дэнэрэ. Оччотооҥҥу олох ыарахана, Манчаары дьылҕата да сордооҕо, хаайыыга хараллыбыта да бүдүгүртэҕэ.

***

Aartyk.Ru

Обсуждение • 4

Добавить комментарий
  1. тэрэппиинэ

    аата үчүгэйиин. наконец то Манчаарыга памятник турдаҕа

  2. Били хаачык суога куЬаган

    Манчаарыны аЬагастык уехпут Казарян хаачык тыыннаагар турбута буоллар бэрт буолуо этэ.
    Чэ, Казаряны ейеебут Исаевна хотун баар, Казаряны кун аайы хаЬыатыгар арбаабыт Мандзяк баар, Казарян сага утуе киЬи суох диэн куолулаабыт атын да урдустар-хотуттар бааллар.
    Керен-истэн абыранныннар.

    Мэнэлэр маладьыаскыт, Манчаарыны урдуктук тутан албан аатын, суон сурагын уйэтитэр бэртээхэй ейдебунньук онотторбут эбиккит!

  3. Сайаҕас

    Бэрт да бэрт

  4. Сталина

    Үчүгэй сонун.Турар сирин дьон тахсыбат оҥоруҥ. Памятниктарга тахсан алдьатар миинэр хатаһылыыр сир гыналлар.Туох да өй санаа иити суох барытын утары тэпсэн алдьатан иһэллэр.Сүөһү сылгы мустубат гына эмиэ үрдүк хаарчах оҥоруҥ.Сыаналаах өйдөбүнньүк үйэ саас тухары туруохтаах.

Оставить комментарий