Курс валют
$
88.44
0.25
96.24
0.07
Курс валют
Курс валют
$
88.44
0.25
96.24
0.07
Меню
Поиск по сайту

“КЫМЫС-АЙЫЫ АҺА” КУОНКУРУҺУ КӨРСӨ ТӨГҮРҮК ОСТУОЛ

20.06.2023 11:19 1
“КЫМЫС-АЙЫЫ АҺА” КУОНКУРУҺУ КӨРСӨ ТӨГҮРҮК ОСТУОЛ

Бэҕэһээ Өрөспүүбүлүкэ медиа киинигэр “Кымыс оҥорон таһаарыытын тирээн турар боппуруостара” диэн төгүрүк остуол буолан ааста. Бу тэрээһин СӨ Ил Дархана А.С. Николаев бирииһигэр ыытыллар “Кымыс-Айыы аһа”бэстибээл-куонкуруһу көрсө ыытылынна. Онтон куонкуруһу хаһыс да сылын «Туймаада Агрохолдинг» АУо тэрийэн ыытан быйыл 6-с төгүлүн ыытыллар.

Төгүрүк остуолу Ил Түмэн депутата М.Н.Христофорова салайда. Киирии тылы этээччи “Арчы дьиэтэ” духуобунай киинин салайааччы Л.К. Андреевакымыс саха омук оло5ор суолтатын, ол өссе дириҥээн ордук билиҥҥи кэмҥэ үрдээн турарыгар тохтоото.

Онтон кымыс закваскатын (көөнньөрүүтүн) оҥорууга элбэх сыл үлэлээбит учуонайдар М.П. Неустроев уонна Н.П. Тарабукина саха кымыһын чинчийии уонна үөрэтии хайдах барбытын туһунан сиһилии кэпсээтилэр. Уонна закваска оҥоһулунна ону киэҥ производствоҕа таһаарар кыахтар баар буоллулар, ону олоххо киллэриигэ тустаах министиэристибэ үлэлэһэригэр болҕомто ууруллуон наадатыгар тохтоотулар.

«Ас-үөл технологиялара» киин салайааччыта Р.П.Гудуева Саха сиригэр Россия үрдүнэн саамай элбэх сылгы баарын ыйан туран кымыс кииннэрин тэрийии туһунан этии киллэрдэ. Онуоха СӨ тыатын хаһаайыстыбатын миниистирин солбуйааччы А.А.Александров: “Быйылгы сылга сылгы салаатыгар 550 мөл. солк. көрүллэн бу салааны сайыннарыыга хас да хайысханан туһаайылынна. Хаһыс да сылын сылгы баазатын тэрийиигэ үбүлээһин оҥоһулла турар. Бу сылга тэрээһиннээх хаһаайыстыбаларга биэ төбөтүгэр 5000 солк. көрүлүннэ. Кэлэр өттүгэр кымыс оҥоруутун сайыннарыыны болҕомтоҕо ылан үлэ барыан сөп ,- диэн этиитин түмүктээтэ.

Биллэр кымысчыт М.П. Лиханов кымыс оҥоруу үлэтэ ыараханын, үлэһит илии суоҕун бэлиэтээтэ. Ону тэҥэ биэ ыыр дьон база тутуутугар туһаайыллар өйөбүллэргэ үлэ хайысхата уратылаах буолан  критерийгэ киирэр кыахтара суоҕун эттэ. Уонна кымысчыт базата сэлиэнньэттэн чугас тутуллуохтааҕар болҕомто ууруллуохтааҕын бэлиэтээтэ. Кымысчыттар 2002 сыллаахха ылыллыбыт “СӨ кымыһы оҥоруу” сокуона олох үлэлээбэтигэр тохтоотулар. Онон кымыс саха төрүт аһа буолан туран кини биһиги омук быһыытынан култуурабытын, өй-санаа өттүнэн сайдан кэлбит олохпутун кытары быстыспат ситимнээҕинэн инники сайдыыбытыгар суолтата олус улаханын бэлиэтээн манна кэлэр өттүгэр болҕомто ууруллуута өссө күүһүрүөхтээх диэн түмүккэ кэллилэр. Түмүккэ «Кымыс-Айыы аһа» бэстибээл куонкуруһу тэрийээччи «Туймаада Агрохолдинг» АУо генеральнай дириэктэрэ П.С.Ефремов бу буолаары турар Туймаада ыһыаҕар ыытыллар бэстибээл куонкурус тэрээһинин уонна онно олохтонор бириистэр тустарынан сиһилии кэпсээн туран барыларын буолаары турар үрүҥ тунах ыһыаҕынан эҕэрдэлээтэ.

Санатан этэр буоллахха ааспыт күрэхтэһиигэ 10 кыттааччы баар эбит буоллаҕына быйылгы куонкуруска 15 хаһаайыстыба кыттарга бэлэмин биллэрбит. Ааспыт куонкуруска кыайыылааҕынан Хаҥаластан М.П. Лиханов, иккис миэстэни “Бөртө сылгы собуота” ООО (салайааччы А.В. Павлов) уонна үһүс миэстэни Сунтаартан Маар Күөлтэн М.Ю. Михайлов ылан быйыл да кыайыыга эрэллэрэ улахан. Ол эрээри этиллибитин курдук 15 кыттааччы күрэс былдьаһар. Онон бу куонкурус өссө сытыытык барара күүтүллэр.

***

Прокопий ХАБАРОВ

Обсуждение • 1

Добавить комментарий
  1. Пенсионер

    Биир биэстэ лэбийэн.Инньэ 95 сыллартан Слепцов диэн киьи кото5оро кымыс боппуруоьун.Суурэрэ.Ыьыахха эрэ ону саныыллар.Сымыйаннан.Улэ барбат.Сурэ5э суох Саха буолбатах дьон.Билигин Ковид тыца туберкулёз бронхит ыары сытыылан турар кэмигэр молокозавод да оцоруо этэ.Н.Бэстээххэ миницех переработки эт уут балык оцордоххо тугуй.Промыш.районнарга ас а5алан атыылаабаттар.Сурэ5эх суох табалар.Бэлэм харчыны сиири эрэ билэллэр.

Оставить комментарий    

Шиномонтаж Левша

СахаСтройПлит
Cтоматология 32
«Стоматология Все 32»