Кулун тутар 22 күнүгэр Сайсары эбэҕэ алгыс түһэрэр сиэр-туом ыытыллар

Күндү Үрүҥ Аар Айыы Тойон Таҥараҕа итэҕэйээччилэр!
​

Сайсары Эбэ хотун – Дьокуускай, ону ааһан бүтүн Саха Сирэ ытыктыыр сирэ. Тохсунньу томороон тымныытыгар аам-даам туманы бүрүнэн иһийэн сытарын, от ыйын өҥүрүк куйааһыгар күн уотугар толбоннура оонньуурун көрүөххэ да кэрэ!

Кыһыҥҥы нүһэр күннэр түмүктэнэн, тулалыыр Эйгэ тэтимэ сааскыга кубулуйар, сааскы күн түүннүүн тэҥнэспит күнүгэр, кулун тутар ый 22-гэр, кэлэр өрөбүлгэ, бу саха дьонугар барыбытыгар сакральнай, историческай суолталаах ытык сирбитигэр, Ийэ скверин аннынан, Сайсары эбэ Иччитигэр уонна Күн Дьөһөгөй Айыыга,​ Үрдүк Айыыларга сүгүрүйэн, сахалыы сиэри-туому тэрийэрбит туһунан биллэрэбит. Сиэр-туом күнүс 11 ч.​ 30 м.​ саҕаланыаҕа.

Ким саха итэҕэллээхпин дэнэн Дойдутун Иччилэригэр, Үрдүк Айыыларга, Үрүҥ Аар Айыы Тойон Таҥараҕа биир сомоҕо буолан сүгүрүрүйүөн баҕалаахтары эһигини Ытык Сиргэ ыраастаныы, алгыс иҥэринии сиэригэр күүтэбит. Сиэри-туому саха үҥкүүтүнэн – оһуокайынан түмүктүөхпүт.

​ Чөл куттаах, чэгиэн туруктаах,​ биир​ сүгүрүйэр итэҕэллээх, түмсүүлээх буолуоҕуҥ!

​***

Айыы Таҥара итэгэлэ тэрилтэ.