Куһаҕаны түүйүү
Олунньу 4 күнүттэн саҕалаан күн тура-тура доруобуйа харыстабылын миниистирэ Елена Борисова дьуөгэтинээн правительство солбуйар бэрэстээтэлин Ольга Балабкинаны кытары солбуһа сылдьан суох ыарыыны отчуоттаа да, отчуоттаа… Доруобуйа харыстабылыгар өрөспүүбүлүкэ үрдүнэн уонна туох да атын кыһалҕа суоҕун курдук, иллэҥнэрэ бэрдэ, сарсыарда аайы суруналыыс кэлбэт буолуор диэри пресс-подходтаан түбүгүрэллэр. Күн аайы! Солуута суох! Бачча куойканы бэлэмнээтибит, оччо анаалыс ыллыбыт…
Кытай доруобуйатын харыстабылын салайааччылара буоллар, баҕар киһи баалыа суох этэ, ыарахан ыарыы онно сэтэрээн турарын быһыытынан. Оттон Саха сирин таҥара көмөтүнэн коронавирус инфекцията тумна сылдьар. Икки дьахтар мэҥийэн ыҥыран ылбаталлар, этэҥҥэ салгыы оннук да буоллар абырыах этэ.
Борисовалаах Балабкина пресс-подходтарын туһунан АГИП пресс-сулууспата суруналыыстар түмсэн олорор бассаап-бөлөхтөрүгэр биллэрии ыытарыттан солото суох. Кэмниэ-кэнэҕэс биир эрэдээктэр тулуйбакка: “Оттон минздрав пресс-релиз суруйан редакцияларга ыытара тоҕо сатамматый, арай миниистир, зампред булгуччу “сырдатылыннахтарына” эрэ табыллаллар дуу?” – диэн админнартан туоһуласта. Онуоха мантан бэттэх нэдиэлэҕэ “иккитэ эрэ” аны Борисовалаах Балабкина тахсыахтара диэн хардардылар.
Таах даҕаны икки хотун быйыл доруобуйа харыстабылын салаатыгар 700-тан тахса үлэһити үлэлэриттэн үүрэн, тыа сиригэр кыра муор-туор, оторой-моторой балыыһалары сабан – түбүктэрэ аҕыйаан иллэҥсийэн – аҕала сатаан суох ыарыыны отчуоттууру хобби оҥоһуннахтара.
***
Aartyk.Ru
таах дьоннор, биирэ быраастары хотоҥҥо ыытар,
биирин дьоно-уруулара бары кэриэтэ сууттанан оонньоотулар
Туохха да наадата суох министерство. Бэйэлэрин ууртэлээн кэбиьиэххэ наада.
Ити нуучча дьахталларын ба5алаах Украиналарыгар ыыталаан кэбиьиэх баар этэ, сахалар дьицнээхтик ыарыйдахтарына теье эрэ телевизорга тахсар этилэр. Атахтарын тилэ5ин да кербет инибит.
Маны билэ көрө олорон дьону тастан аҕалбаттарын модьуйуҥ.Оннооҕор ОРЗ кыайбакка карантины оҥорор дьон.
Ээ, ити нууччалар иккиэн Саха сиригэр тереебут дьон дии – биирдэрэ Алданна улааппыта, иккиЬэ – Якутскайга.
Борисова бааЬынай.
Уонна хайдах «тастан агалыллыбыт дьон» буоллулар ээ?
Россияга олорор эрээри биир да нуучча Саха сиригэр улэлиэ суохтаах диэри гынагын?
Көмүскэһимэ! Итинник куһаҕан министр урукку өттүгэр суоҕа. Улахамсык, үөннээх, бэйэмсэх дьахтар. Балабкина преступник кыыстааҕын бары билэллэр да бастыҥ дуоһунаска сылдьар.
У Аартык ру явно предвзятое отношение к указываемым персонам. А вам не приходило в голову, что благодаря именно их оперативности и слаженности работы, самый большой “китайский коридор китайцев”, коим является Якутия, благополучно переживает занос вируса?!