Курс валют
$
57.51
0.06
67.89
0.04
Курс валют
Меню
Поиск по сайту

Ким кимниин күрэстэһэрий?

05.03.2017 01:47 10

“Алаастаһыыны”, “улуустаһыыны” тохтотуохха наада диэн улуйбаппыт эрэ. Ордук итини былаастарга сыһыаннаан, сирэй-харах анньан, кэриэтээн этэбит. Ол да буоллар, бэйэ иннигэр бэрэбинэ сытарын өйдөөн көрбөппүт.

Ким кимниин күрэстэһэрий?

Билиниҥ эрэ, хас “Вацап” группатыгар ким эрэ оҕото, сиэнэ, аймаҕа, ийэтэ, балта, биир дойдулааҕа, коллегата ханнык эмэ күрэхтэһиигэ кыттар “ҮҺҮ” дии-дии төһө ссылка кэлэрий? Дьэ, “кимим эрэ куоталаһан эрэр, маннык сайтка киирэн манна куоластааҥ, биллэриини салгыы тарҕатыҥ” диэн суруктар төһө дэлэйдэрий?

Кимин-тугун, туохха куоталаһарын билбэт да эрээри киирэн куоластыыбыт – “бэйэ киһитигэр”. Атын күрэхтэһээччилэр, баҕар, ити “бэйэбит киһибитинээҕэр” ордук, тутум үрдүк, чаҕылхай буолуохтара диэн өйбүтүгэр оҕустаран да көрбөппүт. “Билэр киһим билэр киһитэ”, эбэтэр “оҕото”, “аймаҕа” – талар, куоластыыр критерийбит ити эрэ.

Соторутааҕыта , учууталлар күрэхтэһиилэригэр кыттар “биһиги” оскуолабыт учууталыгар куоластааҥ диэн сорудах-илдьит кэлбитэ. Бу учууутал хайдах үөрэтэрин, идэтигэр төһө талааннааҕын мин билбэппин. Сатахха оҕобун дуу, сиэммин дуу үөрэтэрэ буоллар син удумаҕалатыам этэ. Ону тоҕо мин “биһиги гиэнэ” эрэ диэнинэн сирдэтинэн киниэхэ куоластыахтаахпыный? Оччотугар баҕар олох да көтүмэх учууталы “бастатан” таһаарыахпыт, дьиҥнээх талааннаах учууталы “атын” диэн хотторуулаах оҥоруохпут суоҕа буолуо дуо?

“Биир дойдулаахпыт кыттар үһү – куоластааҥ”. Мин кини үлэтин да, бэйэтин да, талаанын да билбэппин. Оччотугар тоҕо куоластыыбын? Мин алааһым, улууһум эрэ оҕотун иһин дуо? Оҕолорбутун ити күрэхтэртэн да саҕалаан “алаастаһыыга-улуустаһыыга” бэйэбит үөрэтэбит буолбаат? “Бу, таатталар кыайаары гыннылар, чэ эрэ, ньурбалар кытаатыҥ”…

Ити алааһынан-улууһунан күрэхтэһии буолбакка тугуй? Дьиҥнээх талааннаах оҕо “алааһа-улууһа” суох буоллаҕына, итинник күрэхтэргэ хоттороругар тиийэр. Уонна хантан чулуулартан чулуулары иитэн таһаарыахпытый, “бэйэ гиэнэ” эрэ диэнинэн сирдэтинэ сылдьар дьон?!

Аны ырыаһыттар сольнай концертара буолар. Үчүгэй баҕайы ырыаһыт диэн, куолаһын, талаанын сыаналаан тиийэҕин. Оттон сыанаҕа да турааччы, саалаҕа да олорооччу артыыс төрөөбүт улууһун эрэ чорботон бэлиэтээ да, биэлиэтээ, “кинилэргэ эрэ” туһаайан айар-тутар буолан хаалар… Атын улууска төрөөбүт “буруйдаах” көрөөччү, туспа ыал түһүлгэтигэр ыҥырыллыбакка эрэ кэлбит курдук хом сананар.

Онон, “алаастаһыыны-улуустаһыыны” тохтотобут, утарабыт диир буоллахпытына, бастатан туран, бэйэбититтэн, ити кыра курдугун да иһин, ыччаппытыгар холобур өйү-санааны угар, күннээҕи дьайыыларбытын тохтотуох кэриҥнээхпит. Саха – үөһээ бүлүү, чурапчы, дьааҥы буолбакка, биир сомоҕо норуот – САХА буолуохтаах. Оннук өйгө-санааҕа тиийэр кэм кэллэ эбээт.

***

Прасковья НИКАНОРОВА,

“Аартыкка” анаан.

Обсуждение • 10

Добавить комментарий
  1. сибиин

    саамай сөп

  2. Мария

    Сайт уларыйбытыгар уерэнэргэ бириэмэ наада эбит).

  3. Патриот

    Ничего подобного. Абсолютно не согласен.

  4. Патриот

    Что такое «аласный менталитет»? Это любовь к своей РОДИНЕ, к своей малой или большой — неважно. Любовь к родным березам, к родному дому. Вот если мы, якуты, будем находиться за пределами нашей Республики — в России, то да, неважно, кто откуда — главное — из Якутии. А если внутри Якутии, в г. Якутске? Правильно: мы из разных улусов. Недаром у нас вопрос к новому знакомому (на генном уровне) — ты с какого улуса? А внутри улуса? Внутри улуса — с какого наслега ты будешь? И это АБСОЛЮТНО ПРАВИЛЬНО и нормально. А внутри наслега — естественный вопрос — ты чей? из какой семьи? Вот такая у нас правда. Так что автор совсем не прав.

  5. Согуруу

    автор прав, а реалии жизни пока другие. Мы пока не доросли до этого, но дело к этому идет, поскольку не взирая на улусы и выбирая из них лучших из лучших, тем самым срабатывает глубокий инстинкт выживания как народа.

  6. согуруу

    пока близки и понятны только примитивные шкурные интересы… но народ умнеет и начинает видеть дальше своего носа. Ну что полезного сделает недостойно победивший «победитель», хоть и родной в доску)) Жизнь же показывает и доказывает, унося имена таковых или их незначительные дела в забытьё…так что-это дело времени. И чем раньше так будет, тем лучше для нас же самих. Но иногда и довольно часто бывают моменты: и свой, и лучше всех! Вот где истинная радость.

  7. согуруу

    а иногда если человеку с потенциальными возможностями, но по каким -то причинам неявно проявившим их на конкурсе, дать как бы авансом приоритет, то у человека вырастают крылья для дальнейших свершений. Тут уж важно суметь увидеть это, интуитивно почувствовать…и быть проницательным провидцем. А это — талант и смелость.

  8. согуруу

    поправлю себя- не истинная радость, а скорее непосредственная детская радость. А истинная- это уже по настоящему талантливому человеку

  9. Андыкай

    Настоящий Талант рано или поздно всегда пробьет себе дорогу без виртуального голосования. Из -за ничего сыр-бор, ветер из юга

Оставить комментарий    

!