Курс валют
$
63.78
2.01
65.79
2.99
Курс валют
Курс валют
$
63.78
2.01
65.79
2.99
Меню
Поиск по сайту

Күндээдэҕэ 100  тарбыйаҕы олохтоохторго босхо түҥэттилэр

08.05.2022 (2 недели назад) 11:20 2
Күндээдэҕэ 100  тарбыйаҕы олохтоохторго босхо түҥэттилэр

Быйыл Саха АССР тэриллибитэ 100 сылыгар тоҕооһуннаран, Күндээдэ олохтоохторо бэртээхэй бэлэҕи туттулар. Ыам ыйын  7 күнүгэр улуус баһылыга Алексей Михайлович Иннокентьев нэһилиэккэ дьыалабыай сырыытын кэмигэр нэһилиэк олохтоохторугар тарбыйах сэртипикээттэрин туттартаата.

“Күндээдэ” ААУо генеральнай дириэктэрэ Алексей Прокопьевич Алексеев иһитиннэрбитинэн, бу бачыымы кинилэр Саха АССР тэриллибитэ үбүлүөйдээх 100 сылыгар аныыллар.

“Улуус салалтатын кытта сүбэлэһэн-ырытыһан баран, дьоммутугар маннык бэлэҕи оҥорорго быһаарыммыппыт, – диир кини. – Бу туһунан “Күндээдэ” ААУо дириэктэрдэрин Сэбиэтигэр этии киллэрбитим. Ону дьүүллэһэн баран сөбүлэһэн уураах таһаарбыттара. Инньэ гынан бэҕэһээ Алексей Михайлович Иннокентьев кэлэн бу тэрээһиҥҥэ кытынна, нэһилиэк олохтоохторугар сэртипикээттэри туттарда.

Биһиги инники сылларга эмиэ маннык тэринэн, дьоммутун үөрдэн үөрдэн уонна соһутан турабыт. Сүөһүлэниэн баҕарар, элбэх оҕолоох уонна көмөҕө наадыйар дьон мантан тирэх ылан тус көмөлтө хаһаайыстыбаларын кэҥэтэллэр. Тыһы тарбыйаҕы ылбыт дьон салгыы иитэн сүөһү төрдө гыналлар. Кистэл буолбатах, тыаҕа хаһан баҕарар олох чэпчэкитэ суох, онон дьон кэтэх хаһаайыстыбалаах буоллаҕына инникигэ эрэллээх буолар.

Улууспут салалтата тыа хаһаайыстыбатыгар уонна дьон социальнай өттүнэн көмүскэллээх буоларыгар  улахан болҕомтотун уурар. Биһиги бу үлэлээн кэлбиппит тухары улуус кыһамньытын билэн кэллибит, онон бэйэбит өттүбүтүттэн харданы төһө кыалларынан оҥоробут. “Күндээдэ” ААУо улууска саамай элбэх үлэһиттээх тыа хаһаайыстыбатын тэрилтэлэриттэн биирдэстэрэ. Биһиэхэ 50-тан тахса киһи үлэлиир. Нэһилиэккэ социальнай боппуруостары быһааран олорор тэрилтэ буолабыт, бары үлэҕэ-хамнаска, атын даҕаны тэрээһиннэргэ көхтөөхтүк кыттабыт”.

***

Улуус дьаһалтатын пресс-сулууспата

Обсуждение • 2

Добавить комментарий
  1. Судаарыстыбаннай быьаарыы

    Оо дьэ. Дьону босхо5о уорэтэр олох табыллыбат дьыала. МЕН 90-с сылларга иккитэ дьон кредитын сотторон, кэлин ким да кредит тоннорор туьунан санаан да корбот буолбута. Тарбыйахтары босхо биэриэххэ соп эрээри, хотя бы куьун оскуола остолобуойугар, бэйэлэрин о5олоро аьыылларыгар 10 кг эти туттарарга эбээьинэстиэхтэрэ этэ.

Оставить комментарий    

Школа-интернат для неслышащих обучающихся
Шиномонтаж Левша

Красивые окна
СахаСтройПлит
Новостройки якт ру
Сахатранснефтегаз
Стоматология 32