Дьокуускайга художественнай гимнастикаҕа федеральнай уокурук күрэхтэһиитэ саҕаланна

Дьокуускайга художественнай гимнастикаҕа Уһук Илиҥҥи федеральнай уокурукка бастыыр иһин күрэхтэһии саҕаланна.

Манна тоҕус кыраайтан, уобаластан уонна республикаттан 266 эдэр спортсменка түмүстэ. Күөн күрэс 11-12 саастаах кыргыттар итиэннэ 13-15 саастаах юниордар ортолоругар ыытыллыаҕа. Саха сирин аатын-суолун 39 кыысчаан көмүскүүр, олортон 16 – биирдиилээн күрэхтэһиигэ. Бөлөҕүнэн күрэскэ кыра кыргыттарга уонна юниоркаларга иккилии хамаандабыт мэтээл иһин киирсиэхтэрэ.

Саха Республикатын сүүмэрдэммит хамаандатын бу түһүлгэҕэ анаан-минээн бэлэмнээтилэр сүрүн тренер олимпийскай чемпион Ксения Дудкина уонна ыстаарсай тренер Виолетта Никифорова. Күрэхтэһии биэс күн устата барыаҕа уонна олунньу 16 күнүгэр түмүктэниэҕэ.

***

Гаврил СТРУЧКОВ

Ааптар хаартыскаҕа түһэриилэрэ