Бүттүм …суохтаамаҥ
Бүттүм
…суохтаамаҥ
Элбэх хоһоон салгытар,
Эриэн ыты баргытар,
Ону билэ билэбин,
Син биир хоһоон иилэбин.
Үгүстэри кэлэтэн,
Сорох кэмҥэ сиргэтэн
Суруйабын санаабын,
Ырытабын ырабын.
Өйдүүр дьонум үөрэллэр,
Хайҕалларын биэрэллэр,
Биитэр өрө эккирээн
Кэҕиҥнииллэр биһирээн.
Ымсыы дьоннор сымыйа
Ырбайыынан ымайа
“Албын”сирэй кэтэллэр,
Хойбут баһын үөтэллэр.
“Арыгыһыт дьэ хантан,
Ыйыллыбыт ыйаахтан
Бэйиэт буолуой, сымыйа”
Тарҕаталлар кыһыйа.
Уоруу хоһоон дэһэллэр,
Ымаҥнаһа күлэллэр,
“Уорбуттарын солбуйар,
Күнүн эрэ суруйар”
Өйдүүр дьоммор кыбыстан,
Кырдьык-хордьук айгыстан
Эппэт этим хоһооммун,
Бичийэрбин орооммун.
Аны бүттүм, этэбин
Айар илгэ сиэтэбин,
“Күнү көрсүҥ уруйдуу,
Ыйы көрүҥ буруйдуу”
Айан бүттүм, сынньаныам,
Мэһэйдэртэн кынньаныам,
Атын дьарык талыаҕым,
Итэҕэлгэ барыаҕым.
***
Н. Пахомов
9.04.2026 с.
Дьэ бу бэйэм арыйбыт “Саха Былыргы Билиитэ” ватсап группабар хас да сыл олох күн аайы 2-3 хоһоон баһаалыста суруйа турар Николай Пахомов диэн киһи хоһооннорун биир дойдулааҕым Максим Максимов ыытар. Хоһоонноро актуальнайдар уонна суруйар дъоҕура омуннаабакка эттэххэ саха Пушкина. Маннык сааһылаах тыллаах өстөөх хоһоонньуту сахаҕа билэ иликпин. Наһаа хоһоонунан ааҕан суруйан үлүһүйбэтэх киһибин, баҕар кими эмэ алҕас итинник этэн хомотон кэбиһиэм, баалааман. Кэлин бу суруйа сатаан баран барабын диэбитигэр тыл быраҕан бу сайтка таһаартардым. Туохха барытыгар араас эйгэҕэ ураты талааннаах сатыыр дьон баар буолаллар. Оннук дьоннор оннуларын булан үлэлии сырытталлар сахалар төһөлөөх сайдыа этибитий. Чэ, кытаат Николай салгыы суруйан ис урукку да хоһоонноргун таһаар. Кэми чувствуйдуугун быһыылаах хоһооннорун ол түгэҥҥэ именно миигин диэбит курдук киһи санаатын, кыһалҕатын таайбыт курдук буолааччылар.
Бэрт хоhоон эбит. То5о таhаарбаттарый. Кэпсээннэри да суруйар дьон элбэх. Холобура 10- киhиттэн биир киhи кэпсээнэ хоhооно сэцэриигэ халыа. Атыттар сыыйыллан коннорунэн барыахтара этэ. Уорэх олох опыта баар.”Саха сирэ” хаhыат тэттик кэпсээннэри таhаарар. Киhи аа5ан сынньанар. Аралдьыйар. Манна эмиэ таhаарыц ээ.Уруку кинигэттэн да буоллун. Суруйааччылар киэннэрин. Быhа тардан.Билигин учугэй кинигэ а5ыйах.
Мин эмиэ инньэ дии саныыбын.