Арктикатааҕы судаарыстыбаннай агротехнологическай университет Өрөспүүбүлүкэ күнүнэнэн эҕэрдэлиир

Ытыктабыллаах Сахам сирин олохтоохторо!

Арктикатааҕы судаарыстыбаннай агротехнологическай университет коллективын уонна тус бэйэм ааппыттан Саха Өрөспүүбүлүкэтин күнүнэн эҕэрдэлиибин!

Бүгүн биһиги сүгүрүйэбит чулуу дьоммутугар – Платон Алексеевич Ойуунускайга, Максим Кирович Аммосовка, Исидор Никифорович Бараховка. Кинилэр Саха Сирин инникитин туһугар олохторун толук ууран үлэлээбиттэрин түмүгэр бүгүн биһиги Өрөспүүбүлүкэбит үүнэр-сайдар, саҥа тэтими кытта эрэллээхтик хардыылыыр!

Муус устар 27 күнүгэр 1992 сыллаахха Саха Сирин Төрүт Сокуона – Конституция ылыллыбыта. 2022 сылга Өрөспүүбүлүкэбит 100 сылын бэлиэтиэҕэ, ол кирбиини биһиги үлэбит бары хайысхаларыгар үрдүк ситиһиилээхтик көрсүөхтээхпит!

Күндү доҕоттор! Өссө төгүл Саха Өрөспүүбүлүкэтин күнүнэн итиитик- истиҥник эҕэрдэлиибин! Ис сүрэхпиттэн кытаанах доруобуйаны, дьолу-соргуну, ситиһиилээх үлэни баҕарабын! Тапталлах дойдубут инникитин бииргэ оҥоруох, тэрийсиэх!

***

Убаастабылы кытта, Арктикатааҕы САТУ ректорын эбээһинэһин толорооччу Константин Кривошапкин