Алтынньы ый – Хотой Айыы ыйа

Улуу добдурҕа кэмэ. Сир тоҥор, хаара чараас буолан кэлии-барыы элбиир. Ый сири силимниир диэн биир ардахтаах. Үөк хаара уонна кыс хаар диэн икки хаардаах. Көтөҕө түһэрэр (сороҕор балаҕан ыйын бүтүүтүгэр) уонна добдурҕа (буһурук) тыала диэн икки тыаллаах. Көтөҕө кыайан түспэтэҕинэ, саас сир эрдэ хараарар.

Сир шарын соҕуруу өттүгэр саас, хоту полушариеҕа кыстыкка киирии үлэтин үгэнэ. Халандаар кэрдииһин уларытыы иннинэ алтынньы ахсыс ыйынан сылдьыбыта, билигин онус ыйынан буолар. Алтынньыны күнүн-дьылын туруга уларыйымтыатынан, тыалынан-кууһунан кубулҕаттаах кулун тутар ыйга майгыннаталлар. Ол эрээри муус устар ый хайдах буоларын алтынньыга билгэлииллэр. Холобур, хаһыс чыыһылаҕа диэри чаҕылхай күн буолар да, ол күнтэн ыла муус устарга саас салаллар.

***

Aartyk.ru