Курс валют
$
70.89
0.29
75.91
Курс валют
Курс валют
$
70.89
0.29
75.91
Меню
Поиск по сайту

Үс тылынан ыытыллар ЯРА күрэх туһунан

14.12.2022 16:18 0
Үс тылынан ыытыллар ЯРА күрэх туһунан

Ахсынньы ый 11 күнүгэр  С.Н.Донской- II  аатынан Үөрэҕи сайыннарар уонна идэни үрдэтэр үнүстүүккэ куйаар ситиминэн алтыс төгүлүн  өрөспүүбүлүкэтээҕи  «ЯРА»  тыл күрэҕэ ыытылынна (якутский, русский, английский). 


Тэрээһин үөрүүлээх чааһыгар  Үөрэҕи сайыннарар уонна идэни үрдэтэр үнүстүүт дириэктэри солбуйааччыта Дедюкина С.В  үс тылынан эҕэрдэлээтэ. Тылы билии  улахан суолталааҕын, наадалааҕын туһунан тоһоҕолоон эттэ.

Күрэххэ үс тылынан (саха, нуучча, ааҥгылыйа)  саҥарар, өйдүүр, быһаарсар дьоҕурдаах VII-XI кылаас үөрэнээччилэрэ уонна саха, нуучча, омук тылын учууталлара  састааптаах, аҕыстыы киһилээх 10 хамаанда күөн көрүстүлэр. Тылы уонна литератураны таптыыр, төрөөбүт тылын тэҥэ нуучча, омук тылларын баһылыырга дьулуһар үөрэнээччилэр, учууталларын  16 түһүмэҕинэн билиилэрин тургутан көрдүлэр, кыахтарын  бэрэбиэркэлэннилэр.  Күрэххэ  Мэҥэ Хаҥалас улууһуттан  И.М.Романов аатынан Төхтүр орто оскуолата, Хаҥалас улууһуттан  А.Д.Широких аатынан Төхтүр  орто оскуолата, Дьокуускай куораттан Маҕан орто оскуолата,  Амма улууһуттан Амма 1-кы нүөмэрдээх орто оскуолата, Мииринэй улууһуттан (6-с нүөмэрдээх  Арыылаах бөһүөлэгин орто оскуолата уонна Таас Үрэх орто оскуолата), Ньурба улууһуттан Малдьаҕар орто оскуолата, Сунтаар улууһуттан П.Х.Староватов аатынан Эльгээйи орто оскуолата, Уус Алдан улууһуттан В.В.Алексеев аатынан  Мүрүтээҕи уоланнар гимназиялара уонна   Өлүөхүмэ улууһун  хамаандалара  кытыннылар.

Тыл күрэҕэр оҕолор куйаар ситиминэн араас түһүмэхтэринэн (станциянан) сылдьан саха, нуучча, омук тылыгар тургутуктары аастылар. Ол курдук саха тылын уонна литературатын билиигэ, мультфильм ис хоһоонун батыһа  ааҥгылыйа тылынан дьоруойдары саҥардыыга, олоҥхо тылын быһаарыыга, тиэкис ис хоһоонугар сыһыаннаах араас сорудахтары, хоһоон  устуруокаларын сааһылааһыҥҥа, дьыктаан суруйууга,  сорудахтаах үҥкүү күрэҕэр, биллиилээх дьон ыйытыыларыгар хоруйдааһыҥҥа, интервью ыларга, ааҕар сатабылга о.д.о 16  араас сорудахтары толорон хамаандалар ууга-уокка түһэн ыллылар, тириттилэр-хоруттулар.

Тыҥааһыннаах киирсии кэнниттэн уопсай түмүккэ I миэстэни Уус-Алдан улууһуттан В.В.Алексеев аатынан  Мүрүтээҕи уоланнар гимназиялара,  II миэстэни –Мэҥэ Хаҥалас улууһуттан  И.М.Романов аатынан Төхтүр орто оскуолата, III  миэстэни – Дьокуускай куораттан Маҕан орто оскуолата  ыллылар. Ону таһынан түһүмэхтэринэн ордук  чаҕылхай хамаандаларга  анал ааттар иҥэрилиннилэр.

Бары кыттааччыларга туоһу суруктар бэрилиннэ.  Миэстэлэспит хамаандалар дипломнарынан уонна мэтээллэринэн, кыайбыт хамаанда  көһөрүллэр сылдьар кубогынан наҕараадаланнылар.

«ЯРА» күрэх түһүмэхтэригэр  түһүмэх ыытааччыларынан үнүстүүт үлэһиттэрин таһынан  П.А.Ойуунускай аатынан  Саха тыйаатырын артыыһа Ньургуйаана Шадрина, норуодунай суруйааччы Н.Лугинов,  Дьокуускайдааҕы педколледж устудьуоннара,  Амма улууһун Болугур орто оскуолатын 6-с кылааһын үөрэнээччилэрэ(кыл.салайаааччыта Корнилова Зоя Арсеньевна), нуучча тылыгар 100 баалы ылбыт  Дьокуускай куорат 2-с нүөмэрдээх  орто оскуолатын выпускницата  Решетникова Юлия,  Угандаттан кэлэн үөрэнэ сылдьар ХИФУ мединститутун устудьуона Рональд  “ЯРА” күрэх  ис хоһоонун дириҥэтэн, киэргэтэн, таһымнаан, ордук интэриэһинэй гыннылар.

Хамаандалары барыгытын  көхтөөхтүк кыттыбыккытын иһин махтанабыт. Тыл-баар бараммат баай. Киһи тыла-ох. Тыл көмөтүнэн элбэх суолталаах кэпсэтии, быһаарыныы ыытыллар.  Элбэх тылы билэргэ дьулуһуҥ. Тылы билэргэ төрөөбүт тылгыт төрүт буоларын умнумаҥ! Тыл билии киэҥ аартыгын биир суолталаах далаһата буолар.

***

Февронья Ядрихинская, тыл кафедратын преподавателэ

 

Оставить комментарий    

Шиномонтаж Левша

СахаСтройПлит
Cтоматология 32
«Стоматология Все 32»